ज्या मुलाच्या लहान उंचीमुळे, त्याच्या मजूर वडिलांना लोकांनी त्याला मारून टाकण्याचा सल्ला दिला होता, तो मुलगा शॉटपुट आणि जॅव्हलिन थ्रोचा नॅशनल चॅम्पियन बनला आहे. जे लोक त्याला ‘डोरेमोन’ म्हणून चिडवायचे, तेच आज त्याच्यासाठी फुलांचे हार घेऊन उभे होते. ही कथा आहे पंजाबच्या गुमानपुरा गावातील १७ वर्षीय ॲथलीट ऐशप्रीत सिंहची. ४ फुटांच्या ऐशप्रीतने राज्य व राष्ट्रीय स्तरावर एका वर्षातच ४ सुवर्ण पदके मिळवली. तो आता पॅरा एशियन गेम्स आणि पॅरालिम्पिकची तयारी करत आहे. फेब्रुवारी २०२६ मध्ये भटिंडा येथील सीनियर स्टेट पॅरा ॲथलेटिक चॅम्पियनशिपमध्ये त्याने जॅव्हलिन थ्रो व शॉटपुटमध्ये सुवर्ण पदके जिंकली. ऐशप्रीत सिंहचे वडील गुरनाम सिंह मजुरी करून घर चालवतात. आई सुखबीर कौर गृहिणी आहेत. त्याच्या लहान उंचीचे कारण एकोन्ड्रोप्लेजिया नावाचा विकार आहे. मित्र, प्रशिक्षक बनले आधार ऐशचा मित्र दिवजोतने त्याला पॅरा खेळांची तयारी करण्यास सांगितले. प्रशिक्षणाचा खर्चही उचलला. प्रशिक्षक विक्रमजीतसिंग यांच्याशी बोलून त्याला जालंधर अकादमीत पाठवले. येथे तो खेळासाठी तयार झाला. रिकाम्या जागेत करायचा सराव ऐशप्रीतने सांगितले, सुरुवातीला त्याच्याकडे साधने नव्हती. तो गावात रिकाम्या भूखंडावर बॉल व काठीने सराव करायचा. पहिल्यांदा नॅशनल खेळण्यासाठी ग्वाल्हेरला जायचे होते, तेव्हा प्रवास भाडे प्रशिक्षकांनी दिले होते.
जिद्द
Source link
डोरेमोन म्हणून चिडवले, त्याच 4 फुटी ऐशप्रीतने पटकावले 4 सुवर्ण:शॉटपुट-जॅव्हलिन थ्रोच्या पॅराचॅम्पियनची कथा
