कोर्टीत रास्ता रोको करताच वीजपुरवठा सुरळीत:आंदोलन दडपण्याचा प्रयत्न फसला; तातडीने सिंगल फेज सुरू

कोर्टी (ता. पंढरपूर) परिसरात गेल्या तीन महिन्यांपासून सिंगल फेज वीज मिळत नाही. थ्रीफेज विजही रोटेशन पद्धतीने दिवसा न मिळता फक्त रात्रीचाच वेळ दिल्याने शेतकरी, नागरिक, विद्यार्थ्यांचे हाल होत होते. याबाबत वेळोवेळी मागणी करूनही वीज वितरणकडून प्रतिसाद मिळत नसल्याने संतापलेल्या शेतकऱ्यांनी बुधवारी पंढरपूर-कराड मार्गावर कोर्टी महादेव मंदिराजवळ रास्तारोको आंदोलन केले. त्यानंतर वीज वितरणकडून सिंगल फेज वीजपुरवठा सुरू केला. तसेच थ्रीफेज वीजपुरवठा येत्या आठ दिवस सुरू करत असल्याचे लेखी पत्र आंदोलक शेतकऱ्यांना दिले. त्यामुळे शेतकऱ्यांच्या आंदोलनाला यश आले आहे. कोर्टी (ता. पंढरपूर) परिसरात येडगे-मुसलमान वस्ती, गवळी वस्ती, टाकावस्ती, फाटेवस्तीसह वाड्या-वस्त्यांवर गेल्या तीन महिन्यांपासून विजेचा लपंडाव सुरू होता. भगिरथ योजनेचा अखंडित वीजपुरवठा मिळत नसल्याने ग्रामस्थ हैराण होते. तसेच कॅनॉल, विहीर, बोअरला मुबलक पाणी असून ते विजेअभावी पिकांना देता येत नसल्याने शेकडो हेक्टरवरील पिके धोक्यात आली होती. तर परिक्षेची कालावधी असताना विजेअभावी विद्यार्थ्यांना अभ्यास करता येत नसल्याने त्यांच्यातून विजवितरणच्या कामकाजाविषयी नाराजी व्यक्त केली जात होती. वीज वितरण पोलीस प्रशासनाकडून या आंदोलनाला परवानगी देण्यात आली नाही, असे कारण पुढे करत आंदोलन दडपण्याचा प्रयत्न केला. त्यामुळे कराड- पंढरपूर मार्गावर कोर्टी महादेव मंदिरासमोर शेकडो शेतकरी रास्ता रोकोसाठी रस्त्यावर उतरले होते. यावेळी रघु पवार, अनिल कारंडे, अजमेर शेख, राजाभाऊ माळी, सत्यवान मस्के, द्रोणाचार्य हाके, अमीर शेख आदी उपस्थित होते. याबाबत वीज वितरणकडून वेळोवेळी वीजपुरवठा सुरळीत करण्याची मागणी करूनही वीज वितरणकडून शेतकऱ्यांची थट्टा करण्यात येत असल्यामुळे शेतकऱ्यांनी रास्तारोको आंदोलन पुकारले होते. त्यावरही वीज वितरण पोलीस प्रशासनाकडून या आंदोलनाला परवानगी देण्यात आली नाही, असे कारण पुढे करत आंदोलन दडपण्याचा प्रयत्न केला. मात्र शेतकरी आंदोलनावर ठाम राहताच वीज वितरण, पोलिस व महसूल प्रशासनाने समन्वय साधत वीजपुरवठा तातडीने सुरू केला. येत्या काही दिवसात सुरू करण्याचे लेखी पत्र दिले आहे. आंदोलन दडपण्याचा प्रयत्न



Source link