प्रसिद्ध टीव्ही अभिनेत्री संचिता उगले (वय ३० वर्षे) हिचे आज सकाळी निधन झाले आहे. प्राथमिक तपासानुसार हा आत्महत्येचा प्रकार असल्याचे मानले जात आहे. ‘दैनिक भास्कर’च्या सूत्रांनी दिलेल्या माहितीनुसार, नालासोपारा पूर्व येथील अचोले पोलिसांनी मृतदेह शवविच्छेदनासाठी (पोस्टमार्टम) पाठवला असून या प्रकरणाचा सखोल तपास सुरू आहे. पोलीस सूत्रांनुसार, संचिता ही मुंबईजवळील नालासोपारा येथे आपल्या आई-वडील आणि बहिणीसोबत राहत होती. ही घटना घडली तेव्हा ती घरात एकटीच होती. प्राथमिक तपासात तिने साडीचा फंदा तयार करून गळफास घेतल्याचे समोर आले आहे. पोलिसांना घटनास्थळावरून अद्याप कोणतीही ‘सुसाईड नोट’ मिळालेली नाही. निधनाच्या काही तासांपूर्वीच पोस्ट केला होता व्हिडिओ संचिताच्या निधनाच्या अवघ्या काही तासांपूर्वीच तिच्या अधिकृत इंस्टाग्राम अकाउंटवरून एक रील व्हिडिओ पोस्ट करण्यात आला होता. या व्हिडिओमध्ये ती ‘ढफली वाले ढफली बजा’ या गाण्यावर लिपसिंक करताना दिसत होती. या व्हिडिओच्या कॅप्शनमध्ये तिने “मैं नाचूं, तू नचा” असे लिहिले होते. संचिता सोशल मीडियावर प्रचंड सक्रिय असायची आणि इंस्टाग्रामवर तिचे १ लाख ३९ हजार फॉलोअर्स आहेत. तिच्या निधनाची बातमी आल्यानंतर चाहते कमेंट सेक्शनमध्ये भावुक होऊन तिला श्रद्धांजली वाहात आहेत. अनेक टीव्ही शो आणि चित्रपटांमध्ये केले होते काम संचिता उगले हिने अनेक टीव्ही शो आणि चित्रपटांमध्ये काम केले होते. ती ‘कुमकुम भाग्य’ आणि ‘वागले की दुनिया’ यांसारख्या लोकप्रिय मालिकांचा भाग राहिली होती. ती शेवटची दंगल टीव्हीवरील ‘साजन घर’ या शोमध्ये दिसली होती. तसेच, ‘दिलवाले दुल्हनिया ले जायेंगे’ या प्रसिद्ध शोमध्ये तिने सोरब बेदीसोबत मुख्य भूमिका साकारली होती. छावा चित्रपटात केले काम याशिवाय, अभिनेता विक्की कौशलची मुख्य भूमिका असलेल्या आगामी ‘छावा’ चित्रपटातही तिने काम केले होते. या चित्रपटात ती ताराराणीच्या भूमिकेत होती.
Source link
छावा फेम अभिनेत्री संचिता उगलेचे निधन:गळफास घेतलेल्या अवस्थेत आढळला मृतदेह; आत्महत्या केल्याचा दावा, निधनाच्या काही तासांपूर्वी रील पोस्ट केली
