संसदेत सुरू असलेल्या गदारोळाच्या पार्श्वभूमीवर राज्याचे मुख्यमंत्री देवेंद्र फडणवीस यांनी विरोधकांवर सडकून टीका केली आहे. विरोधक केवळ संविधानाच्या गप्पा मारतात, पण प्रत्यक्षात चर्चेला घाबरतात, असा हल्लाबोल त्यांनी केला. याचवेळी त्यांनी मुंबईकरांसाठी एक दिलासादायक बातमी देत, मुंबई लोकलच्या आधुनिकीकरणाबाबत महत्त्वाची माहिती दिली आहे. ‘चर्चा झाली तर विरोधकांचा दुटप्पीपणा उघड होईल’ विरोधकांच्या भूमिकेवर प्रश्नचिन्ह उपस्थित करताना मुख्यमंत्री फडणवीस म्हणाले, “विरोधक सध्या पळ काढत आहेत. ते संविधानाबद्दल मोठ्या मोठ्या गप्पा मारतात, पण प्रत्यक्ष चर्चेपासून मात्र पळ काढत आहेत. आपले संविधान सांगते की, लोकसभा हे लोकशाहीचे सर्वात मोठे आणि सर्वोच्च व्यासपीठ आहे. तिथे कोणत्याही विषयावर सविस्तर चर्चा होणे हा लोकशाहीचा सर्वात महत्त्वाचा पैलू आहे.” “मात्र, विरोधक सातत्याने या चर्चेला घाबरत आहेत. कारण त्यांना चांगलेच माहीत आहे की, जर लोकसभेत चर्चा झाली, तर त्यांचे दुहेरी मापदंड संपूर्ण देशासमोर उघड होतील. चर्चा झाली तर झारखंडच्या मुद्द्यावरही प्रश्न उपस्थित केले जातील आणि त्यांना त्यांच्या मौनाचे उत्तर द्यावेच लागेल, म्हणूनच ते पळ काढत आहेत,” असा टोला फडणवीसांनी लगावला. मुंबई लोकल होणार मेट्रोसारखी ‘हायटेक’! राजकीय घडामोडींवर भाष्य करण्यासोबतच, मुख्यमंत्री फडणवीस यांनी मुंबईच्या लोकलबद्दलही एक मोठी घोषणा केली. या महत्त्वपूर्ण निर्णयासाठी त्यांनी केंद्र सरकारचे आभार मानले. ते म्हणाले, “मी देशाचे पंतप्रधान नरेंद्र मोदी आणि केंद्रीय रेल्वेमंत्री अश्विनी वैष्णव यांचे मनःपूर्वक आभार व्यक्त करतो. मुंबई उपनगरीय रेल्वेच्या (लोकलच्या) डब्यांचे आधुनिकीकरण केले जावे, असा निर्णय आम्ही यापूर्वीच घेतला होता. मुंबईकरांना आता मेट्रो ट्रेनसारखेच आधुनिक, अत्यंत स्वच्छ आणि वातानुकूलित (AC) डबे मिळावेत, ही आमची इच्छा होती. यासंदर्भात आता सकारात्मक निर्णय घेण्यात आला आहे. या संपूर्ण प्रक्रियेला थोडा वेळ नक्कीच लागत होता, पण आता हा मार्ग मोकळा झाला आहे.” हेही वचाा.. शिवसेना पक्ष-चिन्ह प्रकरण: सुप्रीम कोर्टात आज कपिल सिब्बल यांचा ‘आमदारांच्या अपात्रतेवर’ युक्तिवाद; त्यानंतर शिंदे गटाचा नंबर! शिवसेना पक्ष आणि ‘धनुष्यबाण’ चिन्ह एकनाथ शिंदे गटाला देण्याच्या केंद्रीय निवडणूक आयोगाच्या (ECI) निर्णयाविरोधात उद्धव ठाकरे गटाने सर्वोच्च न्यायालयात दाखल केलेल्या याचिकेवर आज (13 ऑगस्ट) सलग पाचव्या दिवशी सुनावणी पार पडत आहे. सरन्यायाधीश सूर्यकांत, न्यायमूर्ती जॉयमाल्या बागची आणि न्यायमूर्ती व्ही. मोहना यांच्या त्रिसदस्यीय खंडपीठासमोर ही सुनावणी सुरू आहे. आज ठाकरे गटाचे वकील, ज्येष्ठ विधिज्ञ कपिल सिब्बल हे ‘आमदारांच्या अपात्रतेच्या’ (Disqualification) कळीच्या मुद्द्यावर आपला अंतिम युक्तिवाद करणार आहेत. यानंतर ठाकरे गटाची सुनावणी संपेल आणि एकनाथ शिंदे गटाचे वकील (हरिश साळवे किंवा इतर ज्येष्ठ वकील) आपली बाजू मांडण्यास सुरुवात करतील. महाराष्ट्राच्या आणि शिवसेनेच्या भवितव्याच्या दृष्टीने आजचा दिवस सर्वोच्च न्यायालयात अत्यंत महत्त्वपूर्ण ठरणार आहे. सविस्तर वाचा..
Source link
'विरोधकच चर्चेपासून पळ काढतायत…':मुख्यमंत्री फडणवीसांचा विरोधकांवर घणाघात, मुंबई लोकलबद्दलही दिली अपडेट
