प्रतिनिधी । दर्यापूर राजमाता पुण्यश्लोक अहिल्यादेवी होळकर यांच्या जयंतीनिमित्त दर्यापूर तालुक्यातील थिलोरी ग्रामपंचायत येथे विविध कार्यक्रमांचे आयोजन करण्यात आले. कार्यक्रमाच्या अध्यक्षस्थानी ग्रामपंचायत थिलोरीच्या प्रशासक मीना धर्माळे होत्या.सुरूवातीला राजमाता अहिल्यादेवी होळकर यांच्या प्रतिमेचे पूजन व अभिवादन करून त्यांच्या कार्याचा गौरव करण्यात आला. ग्रामपंचायतीच्या वतीने गावातील विविध क्षेत्रात उल्लेखनीय कार्य करणाऱ्या वेणू वाकपांजर, मैना राऊत, जानकू पावडे , आशा होले, यशोदा बगाडे या पाच महिलांचा सत्कार करून त्यांच्या कार्याचा सन्मान करण्यात आला. कार्यक्रमास ग्रामपंचायत सचिव व्ही.एम.चरथळ, सामाजिक कार्यकर्ते शशांक धर्माळे, अंकुश वाकपांजर, उमेश धर्माळे, शंकर घावट,साहेब वाकपांजर,सुधाकर राऊत,दिलीप भालेराव, बाळू वाकपांजर, शारंधर ओलोकर, पत्रकार विक्की होले यांच्यासह ग्रामपंचायत कर्मचारी राजू वाकपांजर, मंगेश टापरे, ग्रामपंचायत सदस्य, महिला व ग्रामस्थ मोठ्या संख्येने उपस्थित होते. दरम्यान राजमाता अहिल्यादेवी होळकर यांच्या सामाजिक, धार्मिक व लोककल्याणकारी कार्याचा आदर्श समाजाने घ्यावा, असे मत उपस्थित मान्यवरांनी व्यक्त केले.
Source link
गावातील उल्लेखनीय कार्यकरणाऱ्या महिलांचा सन्मान:थिलोरी ग्रामपंचायतीत राजमाता अहिल्यादेवी होळकर जयंती
