ब्रिटनची नोकरी सोडून भारतात अनाथांना शिकवतात जॉयस:महाराष्ट्रात वंचितांची सेवा करतात

जॉयस कॉनोली… अहिल्यानगरच्या गल्ल्यांमध्ये हे नाव अत्यंत आदराने घेतले जाते. स्कॉटलंडच्या जॉयस १० वर्षांपासून येथे वंचितांच्या जीवनात आनंदाचे रंग भरत आहेत. युकेमधील ‘लीड्स बेकेट युनिव्हर्सिटी’ची नोकरी सोडून त्या गल्लोगल्ली फिरून मुलींना शिकवतात. त्या येथे ‘स्नेहालय’ प्रकल्पासाठी समर्पित आहेत. ५६ वर्षांच्या जॉयस स्नेहालयचे संस्थापक डॉ. गिरीश कुलकर्णी यांच्या कार्यामुळे इतक्या प्रभावित झाल्या की २०१६ मध्ये त्या भारतात आल्या. सध्या त्या ५ हजार हातावर पोट असलेल्या मजुरांच्या मदतीसाठी आणि त्यांच्या पुनर्वसनासाठी देखील सक्रियपणे कार्य करत आहेत. या निराधार मुलांशी त्यांचे असे नाते निर्माण झाले आहे की १० वर्षांपासून त्या स्नेहालयमध्येच स्थायिक झाल्या आहेत. ‘मलाला’ मोहिमेचे केले नेतृत्व: अहिल्यानगरमध्ये आल्यापासून जॉयस यांनी ‘मलाला फंड’च्या माध्यमातून मुलींच्या शिक्षणाचा संकल्प केला आहे. स्नेहालयच्या डॉ. प्रीती भोंबे यांनी सांगितले की, त्यांच्या प्रयत्नांमुळे जवळपास २५% मुली शिक्षणाच्या मुख्य प्रवाहात सामील झाल्या. त्या अनाथ मुलांना स्पोकन इंग्लिश आणि पर्सनॅलिटी डेव्हलपमेंटचे (व्यक्तिमत्व विकास) धडे शिकवतात. सेवा करून मला समाधान मिळते स्नेहालय हे माझे घर आहे. येथील लोक माझे कुटुंब. मानवतेची भाषा आपल्याला जोडते. येथील मातीत सेवा करून मला समाधान मिळते. ते मी जगातील कोणत्याही ऐश्वर्याच्या बदल्यात सोडू शकत नाही. -जॉयस कॉनोली



Source link