मुंबई गुन्हे शाखेच्या अंमली पदार्थ विरोधी कक्षाच्या वरळी युनिटने मोठी कारवाई करत सुमारे १० कोटी ९ लाख रुपयांचा चरस जप्त केला आहे. या कारवाईत एका संशयिताला ताब्यात घेण्यात आले असून त्याच्याकडून तब्बल १० किलो १० ग्रॅम चरस हस्तगत करण्यात आला आहे. मुंबईत अंमली पदार्थांची तस्करी आणि विक्री करणाऱ्यांविरोधात सुरू असलेल्या कारवाईदरम्यान ही मोठी कारवाई करण्यात आली. गुन्हे शाखेने दिलेल्या माहितीनुसार, १७ ऑगस्ट २०२६ रोजी दुपारी २.२० ते सायंकाळी ५ वाजण्याच्या दरम्यान ही कारवाई करण्यात आली. वरळी युनिटच्या पथकाला मुंबई शहरात अंमली पदार्थांची खरेदी-विक्री, पुरवठा आणि साठा करणाऱ्यांचा शोध घेत असताना संशयास्पद हालचालींची माहिती मिळाली होती. त्यानंतर पथकाने कारवाई करत संबंधित संशयिताला ताब्यात घेतले. १० किलोहून अधिक चरस जप्त या कारवाईत पोलिसांनी १० किलो १० ग्रॅम वजनाचा चरस जप्त केला. जप्त करण्यात आलेल्या या अंमली पदार्थाची किंमत अंदाजे १० कोटी ९ लाख रुपये असल्याचे प्रसिद्धिपत्रकात नमूद करण्यात आले आहे. एवढ्या मोठ्या प्रमाणात चरस सापडल्याने मुंबईतील अंमली पदार्थ तस्करीच्या नेटवर्कवर पुन्हा एकदा प्रश्न उपस्थित झाले आहेत. वांद्रे टर्मिनस परिसरात कारवाई पोलिसांनी दिलेल्या माहितीनुसार, वांद्रे टर्मिनसजवळ, बांद्रा पूर्व, मुंबई परिसरात ही कारवाई करण्यात आली. अंमली पदार्थांची तस्करी, विक्री किंवा साठवणूक करणाऱ्यांविरोधात गुन्हे शाखेच्या अंमली पदार्थ विरोधी कक्षाकडून विशेष मोहीम सुरू आहे. त्याच मोहिमेचा भाग म्हणून वरळी युनिटने ही कारवाई केली. या प्रकरणी संबंधित संशयिताविरोधात अंमली पदार्थ विरोधी कायद्यान्वये (एनडीपीएस कायदा) गुन्हा दाखल करण्यात आला आहे. पुढील तपास गुन्हे शाखेकडून सुरू आहे. तस्करीच्या साखळीचा शोध घेणार पोलिसांनी एवढ्या मोठ्या प्रमाणात चरस कुठून आणण्यात आला, तो मुंबईत कोणाला वितरित केला जाणार होता आणि या प्रकरणामागे आणखी कोणाचा सहभाग आहे का, याचा तपास सुरू केला आहे. त्यामुळे या कारवाईतून मुंबईतील अंमली पदार्थ तस्करीच्या मोठ्या साखळीचा पर्दाफाश होण्याची शक्यता आहे. या कारवाईसाठी मुंबईचे पोलीस आयुक्त देवेन भारती, पोलीस सहआयुक्त (गुन्हे) अनिल कुंभारे, अपर पोलीस आयुक्त (गुन्हे) कृष्णकांत उपाध्याय, पोलीस उपायुक्त पौर्णिमा चौगुले-श्रींगी तसेच अंमली पदार्थ विरोधी कक्षातील वरिष्ठ अधिकाऱ्यांच्या मार्गदर्शनाखाली पथकाने काम केले. वरळी युनिटचे प्रभारी पोलीस निरीक्षक संतोष साळुंखे, सहाय्यक पोलीस निरीक्षक किरण वाघ आणि त्यांच्या पथकाने ही कारवाई केली असल्याचे गुन्हे शाखेच्या प्रसिद्धिपत्रकात नमूद करण्यात आले आहे. १० किलो १० ग्रॅम चरस आणि सुमारे १० कोटी ९ लाख रुपयांचा मुद्देमाल जप्त झाल्याने मुंबई गुन्हे शाखेच्या अंमली पदार्थ विरोधी पथकाच्या या कारवाईला मोठे यश मानले जात आहे. पुढील तपासात या अंमली पदार्थाचा स्रोत आणि त्यामागील संपूर्ण तस्करीचे जाळे उघड होण्याची शक्यता आहे. हेही वाचा… नाशिकमध्ये प्रेयसीने मित्राच्या मदतीने प्रियकराचा गळा चिरला:18 तासांनी मृतदेह घाटात फेकला; दोघे ताब्यात, पोलिसांनी कसारा येथून शोधला मृतदेह ‘लिव्ह इन’मध्ये राहणाऱ्या प्रेयसीने मित्राच्या साथीने प्रियकराची घरात चाकूने गळा चिरून हत्या केली. पुरावा नष्ट करण्यासाठी 18 तास मृतदेह घरात ठेवून कारमधून नेत तो कसारा घाटात फेकून दिला. मात्र, गुन्हे शाखा युनिट 1 चे नाझीम पठाण, मुख्तार शेख आणि पथकाने खबऱ्याने दिलेल्या माहितीवरून कार चालकाला ताब्यात घेत मृतदेह शोधला. त्याची ओळखही पटवली. वसंत गोरखनाथ सातपुते (40, रा. स्वराज्यनगर, पाथर्डी फाटा) असे मृत व्यक्तीचे नाव आहे. कुठलीही मिसिंग दाखल नसताना हा गंभीर गुन्हा उघडकीस आणण्यात पोलिसांना यश आले. येथे वाचा संपूर्ण बातमी
Source link
मुंबईत 10 कोटींचा चरस जप्त:वांद्रे टर्मिनसजवळ संशयिताला अटक, 10 किलो 10 ग्रॅम अंमली पदार्थ ताब्यात
