Tension, opposition over Waqf claim on Hindu-Christian lands in Kerala, 600 families struggle for 404 acres of land

केरळममधील कोचीच्या किनारी भागातील मुनंबम येथे सध्या समुद्राच्या वाऱ्यापेक्षाही भीतीचे वातावरण अधिक वेगाने पसरत आहे. मच्छीमारांच्या बोटी अजूनही सकाळी किनाऱ्यावर परततात, चर्चच्या घंटांचा आवाज अजूनही लाटांच्या गजरात ऐकू येतो आणि मुले अजूनही अरुंद गल्लींमध्ये सायकल चालवताना दिसतात.

पण या वरवर सामान्य वाटणाऱ्या जीवनाच्या आड शेकडो कुटुंबांमध्ये आपली घरे आणि जमीन हिरावली जाण्याची भीती वाढत आहे. कारण, दोन दिवसांपूर्वी झालेल्या खुलाशानंतर येथे तणाव वाढला आहे की केरळ राज्य वक्फ बोर्डाने ४०४ एकर जमीन ‘उम्मीद पोर्टल’वर नोंदवली आहे.

यानंतर सुमारे ६०० हिंदू आणि ख्रिश्चन कुटुंबांमध्ये स्वतःच्या जमिनीवरच बेकायदा कब्जाधारक ठरवले जाण्याची भीती वाढली आहे. या खुलाशामुळे संतप्त नागरिकांनी आता आंदोलन सुरू केले आहे. लाऊडस्पीकरवरून घोषणा दिल्या जात आहेत. बॅनर लावले जात आहेत.

काय आहे वाद?

वक्फ बोर्डाच्या म्हणण्यानुसार, १९५० मध्ये ही जमीन कथित वक्फ एंडोमेंटअंतर्गत कॉलेजला दिली होती. नंतर कॉलेजने ती विकली. नोंदणी, कर, बांधकाम परवानग्याही दिल्या होत्या.

वक्फ म्हणाले, जमीन विकणारा जबाबदार

राज्य वक्फ बोर्डाचे अध्यक्ष के. एस. हमजा म्हणाले, मुनंबम येथील जमीन वक्फ मालमत्ता आहे. याबाबत कोणताही वाद नाही.ते म्हणाले, अखेर वक्फ मालमत्ता विकण्यास जबाबदार कोण होते?

जमीन बळकावण्याचे राजकारण : भाजप

भाजप या प्रकरणाकडे वक्फ जमीन कब्जाच्या राजकारणाचे उदाहरण म्हणून पाहत आहे. सध्याच्या वक्फ बोर्डाची स्थापना मागील एलडीएफ सरकारच्या काळात झाली होती.

सीएम आश्वासन पूर्ण करणार का?

मुख्यमंत्री व्हीडी सतीशन यांनी आश्वासन दिले होते की यूडीएफ सरकार आल्यास हा वाद ‘१० मिनिटांत’ सोडवला जाईल. आता स्थानिक नागरिक विचारत आहेत की ते आश्वासन नेमके कुठे गेले?

अनेक प्रश्न : आता घर मालकीचे असल्याचेही सिद्ध करावे लागेल?

एका ज्येष्ठ रहिवाशाने सांगितले, “आम्ही पिढ्यान्पिढ्या येथे शांततेत राहत आलो आहोत. आता अचानक जमीन दुसऱ्याची आहे, असे सांगतात. एक दिवस स्वतःचे घर आपलेच आहे हे सिद्ध करण्यासाठी लढावे लागेल, असे कधी वाटले नव्हते.

रहिवाशांचे दु:ख: अनेक वर्षे कर भरला, मग जमीन दुसऱ्याची कशी?

स्थानिक नागरिकांचे म्हणणे आहे की त्यांनी अनेक दशकांपूर्वी कायदेशीर पद्धतीने जमीन खरेदी केली होती. त्यांनी नियमित कर भरला, सरकारी परवानग्या घेतल्या आणि ही जमीन वक्फ मालमत्ता असू शकते, असे कधीही सांगण्यात आले नव्हते.