जलतरणातील थरारक कवायतींनी भारावले प्रेक्षक:श्री हव्याप्र मंडळाच्या जलतरण तलावावर सिंक्रोनाईज्ड स्विमिंग

श्री हनुमान व्यायाम प्रसारक मंडळाच्या राष्ट्रीय स्तरावरील १०२ व्या उन्हाळी शिबिरांतर्गत आयोजित जलक्रीडा प्रात्यक्षिकांनी प्रेक्षकांना अक्षरशः मंत्रमुग्ध केले. मंडळाच्या जलतरण तलावावर सायंकाळी जलक्रीडा, कवायतींचे सादरीकरण केले . या कार्यक्रमात जलतरणाचे प्रकार, सिंक्रोनाईज्ड स्विमिंग, वॉटर पोलो, जळती बनेटी पाण्यावर तरंगणाऱ्या मल्लखांबाचे अद्वितीय प्रात्यक्षिक सादर केले. जलतरणपटूंच्या शिस्तबद्ध, साहसी सादरीकरणाला उपस्थितांनी उत्स्फूर्त दाद दिली.कार्यक्रमाला मंडळाचे प्रधान सचिव प्रभाकरराव वैद्य यांची प्रमुख उपस्थिती होती . अध्यक्षस्थानी डॉ. श्रीकांत चेंडके होते. प्रमुख अतिथी म्हणून ८ महाराष्ट्र बटालियन एनसीसीचे कमांडिंग ऑफिसर कर्नल सतविंदर सिंग उपस्थित होते. आजच्या मोबाइल, तंत्रज्ञानाच्या युगात मुलांना मैदानी खेळांकडे आकर्षित करणे ही काळाची गरज असल्याचे यावेळी बोलताना कर्नल सतविंदर सिंग म्हणाले.प्रा. विलास दलाल, डॉ. योगेश निर्मळ यांच्या मार्गदर्शनाखाली जलतरणपटूंनी जलक्रीडा प्रकारांचे उत्कृष्ट सादरीकरण केले. पाण्यावर तरंगणाऱ्या मल्लखांबाच्या प्रात्यक्षिकाने उपस्थितांची मने जिंकली. उर्वरित. पान ४



Source link