विविध सोशल मीडिया प्लॅटफॉर्म्सवर जाणीवपूर्वक चालवल्या जाणाऱ्या बदनामीकारक मोहिमेविरोधात व्यावसायिक मोहित कंबोज भारतीय यांनी अत्यंत आक्रमक पवित्रा घेतला आहे. आपली सामाजिक आणि सार्वजनिक प्रतिष्ठा मलीन करण्याच्या हेतूने तथ्यहीन, बनावट आणि दिशाभूल करणाऱ्
.
गेल्या काही दिवसांपासून डिजिटल माध्यमांवर एका सुनियोजित कटाचा भाग म्हणून आपल्याविरोधात अपप्रचार केला जात असल्याचे कंबोज यांनी नमूद केले. वैयक्तिक आकसापोटी आणि हेतुपुरस्सर अशी खोटी माहिती पसरवली जात असल्याचे त्यांनी स्पष्ट केले आहे. समाजात गैरसमज निर्माण करण्यासाठी आणि स्वतःची प्रतिमा डागाळण्यासाठी हे सर्व जाणीवपूर्वक केले जात असल्याचे त्यांचे म्हणणे आहे.
आपली भूमिका अधिक स्पष्ट करताना मोहित कंबोज म्हणाले की, “माझी प्रतिमा डागाळण्याच्या उद्देशाने सातत्याने खोटे आणि दिशाभूल करणारे दावे तयार करून प्रसारित केले जात आहेत. असा बदनामीकारक मजकूर तयार करणारे, तो प्रसिद्ध करणारे अथवा सोशल मीडियावर पुढे फॉरवर्ड (शेअर) करणारे सर्व डिजिटल हँडल्स आणि व्यक्तींनी ही कृती तत्काळ थांबवावी. अन्यथा, कोणतीही पूर्वसूचना न देता त्यांच्यावर कठोर कायदेशीर कारवाई केली जाईल.”
या अपप्रचारावर कायदेशीर कारवाईचा बडगा उगारण्याची पूर्ण तयारी कंबोज यांनी केली आहे. समाजमाध्यमांवरील कोणतीही अप्रमाणित आणि खोटी माहिती पुरावा मानून संबंधितांवर थेट दिवाणी व फौजदारी मानहानी कायद्यांतर्गत गुन्हे दाखल केले जातील. सार्वजनिक प्रतिमेला धक्का पोहोचवण्याच्या उद्देशाने सुरू असलेला हा अपप्रचार तत्काळ न थांबल्यास थेट वैधानिक न्यायालयीन प्रक्रिया सुरू केली जाईल, असा अखेरचा आणि सक्त इशारा त्यांनी दिला आहे.
