Security shield against missiles with a range of 2 to 5 thousand km, India now in line with America-Russia

पाक चीनकडून वाढत्या क्षेपणास्त्र धोक्यांच्या पार्श्वभूमीवर भारताने आपली बॅलेस्टिक क्षेपणास्त्र संरक्षण (बीएमडी) क्षमता सिद्ध केली आहे. भारत आता दीर्घ पल्ल्याच्या बॅलेस्टिक क्षेपणास्त्रांना वातावरणाच्या आत व बाहेर दोन्ही स्तरांवर पाडण्यास सक्षम असल्याचे डीआरडीओने दाखवून दिले आहे. यासाठी बुधवार १० जून व गुरुवार, ११ जून रोजी २४ तासांच्या आत सलग ३ यशस्वी चाचण्या घेण्यात आल्या.

चाचणीत वापरलेली इंटरसेप्टर क्षेपणास्त्रे २ हजार ते ५ हजार किमी पल्ल्याच्या शत्रूच्या क्षेपणास्त्र भेदू शकतात. भारताच्या स्वदेशी आयर्न डोमच्या दिशेने हे महत्त्वाचे यश मानले जात आहे. संरक्षण मंत्रालयानुसार, यामुळे भारत आता अमेरिका, रशिया व इस्रायलसारख्या प्रगत क्षेपणास्त्र संरक्षण प्रणाली असलेल्या देशांच्या यादीत सामील झाला. दरम्यान, नौदलाने मध्यम पल्ल्याच्या अँटी-शिप क्षेपणास्त्र एनएएसएम-एमआरची पहिली चाचणी घेतली.

वातावरणात, अवकाशातही नष्ट केली क्षेपणास्त्रे