नागपूरचा जुना आणि ऐतिहासिक मारबत महोत्सव यंदा मोठ्या प्रमाणावर साजरा होत आहे. दरवर्षीप्रमाणे यंदाही तऱ्हाने तेली समाज पिवळी मारबतचे आयोजन करत आहे, तर १४५ वर्षांची परंपरा लाभलेल्या काळी मारबतचे आयोजन काली मारबत उत्सव समितीने केले आहे. नागपूर महानगरपालिकेने या महोत्सवाला राष्ट्रीयच नव्हे, तर जागतिक पातळीवर ओळख मिळवून देण्यासाठी तयारी केली आहे. राज्याचे सांस्कृतिक कार्य मंत्री ॲड. आशिष शेलार यांच्या हस्ते पिवळी आणि काळी मारबत यांची पूजा करून महोत्सवाची औपचारिक सुरुवात झाली आहे. ११ सप्टेंबर २०२६ रोजी होणाऱ्या मारबत महोत्सवाच्या यशस्वी आयोजनासाठी मनपाच्या विविध विभाग प्रमुखांना जबाबदाऱ्या देण्यात आल्या आहेत. शहराच्या अनेक भागांत आणि प्रमुख चौकांमध्ये उत्सवाचे नियोजन करण्यात आले आहे. मनपाचा मुख्य कार्यक्रम गांधीपुतळा चौकात होणार आहे. संपूर्ण महोत्सव मार्गावर आकर्षक स्वागत गेट, सजावट आणि स्वागत मंच उभारण्यात आले आहेत. यात कुंभारपुरा चौक, गोळीबार चौक, भारत माता चौक, शहीद चौक, टांगा स्टँड चौक, कोतवाली चौक आणि मस्कासाथ येथील छोटेलाल हलवाई समोर विशेष स्वागत मंच आहेत. सोहळ्याला दिग्गजांची उपस्थिती.. या सोहळ्याला राज्याचे मुख्यमंत्री देवेंद्र फडणवीस, केंद्रीय मंत्री नितीन गडकरी आणि पालकमंत्री चंद्रशेखर बावनकुळे उपस्थित राहणार आहेत. यंदाच्या मारबतीत “मोबाईलवाली बुवा” आणि “चंदेरी” या दोन नव्या मारबतींचा समावेश आहे. विविध विषयांवरील बडगे नागरिकांचे लक्ष वेधून घेतील. या संपूर्ण सोहळ्याचे थेट प्रक्षेपण युसीएनवर केले जाईल. १४५ वर्षांच्या या ऐतिहासिक महोत्सवाला आंतरराष्ट्रीय स्तरावर पोहोचवण्यासाठी फ्रान्स, इटली, फिनलंड आणि नॉर्वे या देशांचे वाणिज्य राजदूत विशेष अतिथी म्हणून उपस्थित असतील. या आंतरराष्ट्रीय मान्यवरांना नेहरू पुतळा चौकात काळी आणि पिवळी मारबतीचे सुंदर मिलन पाहता यावे, यासाठी इमारतीवर बैठक व्यवस्था केली आहे. सुप्रसिद्ध चित्रपट दिग्दर्शक सुभाष घई, जय मेहता, अभिनेते जॅकी श्रॉफ, आरती वेले आणि ज्येष्ठ पत्रकार निलेश खरे यांची उपस्थिती या कार्यक्रमाचे मुख्य आकर्षण असेल. हेही वाचा.. अमृता फडणवीस म्हणाल्या- जरांगे माझे भाऊ, त्यांनी घरी जेवायला यावे:मराठा आंदोलनादरम्यान दिले निमंत्रण; जरांगे म्हणाले- भाऊबीजेला नक्की जाऊ, भाऊ संकटात पडेल असे करू नये महाराष्ट्राचे मुख्यमंत्री देवेंद्र फडणवीस यांच्या पत्नी अमृता फडणवीस यांनी मराठा आरक्षण कार्यकर्ते मनोज जरांगे पाटील यांना आपला भाऊ म्हटले आहे. बुधवारी रात्री नागपूरमधील एका कार्यक्रमानंतर त्या म्हणाल्या- जरांगेजी माझे भाऊ आहेत. ते माझ्या घरी जेवायला यावेत अशी माझी इच्छा आहे. जरांगे गेल्या 13 दिवसांपासून जालना जिल्ह्यातील आंतरवाली सराटी गावात मराठा समाजाला ओबीसी अंतर्गत आरक्षण देण्याच्या मागणीसाठी आंदोलन करत आहेत. जरांगे ओबीसी आरक्षणासोबतच हैदराबाद आणि सातारा गॅझेटमधील नोंदी लागू करण्याची आणि पात्र मराठा लोकांना कुणबी जात प्रमाणपत्र देण्याचीही मागणी करत आहेत. सविस्तर वाचा
Source link
नागपुरात निघणार ऐतिहासिक मारबत मिरवणूक:आंतरराष्ट्रीय राजदूत, जॅकी श्रॉफ आणि सुभाष घई यांची विशेष असणार उपस्थिती
