महायुतीमधील जागा वाटपाचा नाशिक आणि जळगाव या दोन जागांवरून महायुतीतील घटक पक्षांमध्ये जोरदार रस्सीखेच सुरू आहे. अशातच कुंभमेळा मंत्री गिरीश महाजन यांचे खंदे समर्थक गणेश गिते यांनी नाशिकच्या जागेवर थेट दावा ठोकल्याने राजकीय हालचालींना वेग आला आहे. नाशिकची जागा भाजपलाच सुटणार असल्याचा ठामविश्वास व्यक्त करत माध्यमांशी संवाद साधताना गणेश गिते यांनी निवडणुकीचे स्पष्ट संकेत दिले आहेत. स्थानिक स्वराज्य संस्था विधानपरिषद निवडणुकीसाठी उमेदवारी अर्ज दाखल करण्यासाठी अवघे दोन दिवस शिल्लक असून, अद्यापपर्यंत महायुतीत शिवसेना व भाजप यांच्यात जागेवरून कुरघोडी सुरूच आहे. 1 जून रोजी निवडणुकीचे अंतिम चित्रस्पष्ट होणार असले तरी भाजपकडून इच्छूक स्थायीचे माजी सभापती गणेश गिते व उपाध्यक्ष नीलेश बोरा दीपिका चव्हाण, संजय चव्हाण व समाजवादीकडून मालेगावचे माजी महापौर शहा न हिंद यांनी अर्ज घेतले आहे. दराडे यांनी अर्ज खरेदी करून मतदारांच्या गाठीभेटी घेत उमेदवारीवर दावा ठोकला असला तरी, महायुतीतील अंतर्गत स्पर्धा चव्हाट्यावर आली आहे. ”उमेदवारीचा शब्द मिळालाय” पक्षाच्या वरिष्ठ नेतृत्वाने मला स्थानिक स्वराज्य संस्था मतदारसंघातून उमेदवारी देण्याचा शब्द दिला होता. निवडणुकीत लढण्यावर ठाम आहे, असे गणेश गिते यांनी म्हटले आहे. दावे आणि बदललेली राजकीय समीकरणे यंदाच्या निवडणुकीत मतदारसंघातील एकूण 623 मतदारांपैकी भाजपकडे 190, शिवसेनेकडे 171, तर राष्ट्रवादीकडे 107 मतदार आहेत. मंत्री महाजन यांचे निकटवर्तीय गिते आणि बोरा हे सक्रिय झाले आहे. गिते यांना स्थानिक आमदारांचा विरोध असला तरी महाजन यांचे समर्थक आहे. शहराध्यक्ष सुनील केदार आणि प्रदेश प्रवक्ते लक्ष्मण सावजी कोणती भूमिका घेतात, याकडे राजकीय वर्तुळाचे लक्ष लागून आहे. घट्ट मैत्री आणि दावेदारी राजकीय स्पर्धेत गिते आणि बोरा आमनेसामने असले तरी त्यांच्यात घट्टमैत्री आहे. त्यामुळे ते पाठीशी उभे राहतील. भाजपची शिवसेनेवर कुरघोडीची रणनिती उमेदवारीचा तिढा सोडवण्यासाठी थेट दिल्ली आणि मुंबईत राजकीय हालचालींना वेग आला आहे. दिल्लीत केंद्रीय मंत्री अमित शहा यांच्यासोबत झालेल्या बैठकीनंतर मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि मंत्री गिरीश महाजन यांच्यात नाशिक व जळगावच्या जागांवरून चर्चा झाली. या घडामोडींनंतर भाजप आणि शिवसेनेच्या प्रमुख इच्छुकांनी उमेदवारी निश्चित करण्यासाठी थेट मुंबईत तळ ठोकला आहे. सचिव भाऊसाहेब चौधरी आणि उपनेते अजय बोरस्ते यांनीही ही जागा शिवसेनेलाच मिळेल असा दावा करत उमेदवारीसाठी मोर्चेबांधणी सुरू ठेवली आहे.
Source link
नाशिकच्या जागेवर भाजपचे गणेश गिते ठाम:मंत्री गिरीश महाजन यांच्या निवासस्थानी खलबते, दोन कट्टर समर्थक उमेदवारीवरून आमनेसामने
