नाशिक येथील नामांकित टीसीएस कंपनीतील महिला कर्मचाऱ्यांचा लैंगिक छळ आणि सक्तीने धर्मांतर करण्याचा प्रयत्न केल्याचे प्रकरण सध्या राज्यभरात गाजत आहे. या प्रकरणातील मुख्य आरोपी निदा खान हिला पोलिसांनी अटक केल्यानंतर, पोलिस कोठडीतील चौकशीदरम्यान तिने अत्यंत धक्कादायक कबुली दिली आहे. “होय, मीच पीडितेला घरी नेऊन नमाज पठणाचे रीतसर ट्रेनिंग दिले,” अशी कबुली तिने दिली आहे. या धक्कादायक अपडेटमुळे या प्रकरणाची व्याप्ती किती खोलवर पसरली होती, हे आता स्पष्ट झाले आहे. पोलिस तपासात समोर आलेल्या माहितीनुसार, टीसीएस कार्यालयाच्या ७ व्या मजल्यावरील कॅफे हा या संपूर्ण कटाचा मुख्य अड्डा होता. इथेच बसून दानिश, निदा खान आणि तौसीफ अत्तार हे तिघे मिळून पीडित महिलेचे ब्रेनवॉश करणे आणि तिच्या धर्मांतराचा संपूर्ण कट रचत असत. निदा खान स्वतः पोलिस पथकाला आपल्या घरी घेऊन गेली आणि तिने ती खोली व तो कोपरा दाखवला, जिथे ती पीडितेला बोलावून नमाज पढायला शिकवत असे. मौलवी कनेक्शन आणि ‘अजमेर अँगल’चा तपास पीडित महिलेने पोलिसांना दिलेल्या अधिकृत जबाबात आणखी एक खळबळजनक दावा केला आहे. पीडितेच्या वैयक्तिक परिस्थितीचा फायदा घेण्याचा प्रयत्न करत आरोपी तौसीफ अत्तारने तिला म्हटले होते की, “तुला मूल होत नाहीये, मी तुला अजमेरच्या एका मौलवीचा मोबाईल नंबर देतो. तिथे जाऊन आल्यावर तुला गॅरंटीने मूल होईल.” पोलिस आता या कथित अजमेर अँगल आणि त्या मौलवीच्या कनेक्शनचा सखोल तपास करत आहेत. ३७ ऑडिओ क्लिप्स आणि ४ ॲप्स पोलिस तपासात पीडितेच्या मोबाईलच्या फॉरेन्सिक तपासणीदरम्यान भक्कम तांत्रिक पुरावे हाती लागले आहेत. पीडितेच्या फोनमधून इस्लाम धर्माशी संबंधित एकूण ३७ ऑडिओ क्लिप्स जप्त करण्यात आल्या आहेत. मोबाईलमध्ये अनेक विशिष्ट यूट्यूब लिंक्स आणि मुस्लिम धर्माशी संबंधित ४ विशेष मोबाईल ॲप्स आढळले आहेत. हे सर्व ॲप्स आरोपी दानिश आणि निदा खान यांच्या सांगण्यावरूनच पीडितेच्या फोनमध्ये जबरदस्तीने इन्स्टॉल करण्यात आले होते, हे फॉरेन्सिक तपासात सिद्ध झाले आहे. रमजान महिन्यात रोजे ठेवण्यासाठी सक्ती पोलिस अहवालानुसार, वर्ष २०२५ च्या रमजान महिन्यात पीडितेवर केवळ मानसिक दबावच टाकण्यात आला नाही, तर तिला जबरदस्तीने इस्लामिक नियमांचे पालन करण्यास भाग पाडले गेले. मुख्य आरोपी दानिश आणि तौसीफ अत्तार यांनी पीडितेला पूर्ण ३० दिवस रोजे ठेवण्यास भाग पाडले होते. यादरम्यान निदा खान तिला रमजान सुरू होण्याच्या तारखा सांगायची, तर दानिश तिला रोजे ठेवण्याची, तसेच सहरी आणि इफ्तारची योग्य वेळ ठरवून देत असे. एसआयटीचा तपास सुरू; १०६ साक्षीदार या प्रकरणाचे गांभीर्य लक्षात घेऊन महाराष्ट्र सरकारने यापूर्वीच एक विशेष तपास पथक (SIT) स्थापन केले आहे. पोलिसांच्या आरोपपत्रात आतापर्यंत १०६ साक्षीदारांच्या जबाबांचा समावेश करण्यात आला आहे. दरम्यान, टीसीएस कंपनीने या प्रकरणावर आपली भूमिका स्पष्ट करताना सांगितले आहे की, कामाच्या ठिकाणी कोणत्याही प्रकारचा छळ आणि बळजबरी खपवून घेतली जाणार नाही. नाशिक कार्यालयात कथित लैंगिक छळात आणि या प्रकारात सहभागी असलेल्या संबंधित कर्मचाऱ्यांना कंपनीने तातडीने निलंबित केले आहे.
Source link
नाशिक TCS धर्मांतर प्रकरणात धक्कादायक खुलासा:हो, मीच दिले नमाजचे ट्रेनिंग; मुख्य आरोपी निदा खानची तपास यंत्रणांसमोर कबुली
