पालघर जिल्ह्यातील डहाणू परिसरातून नात्याला आणि माणुसकीला काळीमा फासणारी एक अत्यंत धक्कादायक घटना समोर आली आहे. दोन सख्ख्या बहिणींना प्रेमाच्या जाळ्यात ओढून, त्यांचे आक्षेपार्ह व्हिडिओ बनवून त्यांच्यावर वारंवार अत्याचार केल्याचा खळबळजनक प्रकार उघडकीस आला आहे. या प्रकरणी पीडित तरुणींच्या तक्रारीनंतर डहाणू पोलिसांनी नराधम आरोपीविरुद्ध 1 जून रोजी डहाणू पोलिस ठाण्यात तक्रार दाखल केली असून त्याचा शोध सुरू केला आहे. आधी जवळीक, मग ब्लॅकमेलिंगचा घाणेरडा खेळ छळाला कंटाळून अखेर पोलिसांत धाव आरोपीचा जाच आणि मानसिक छळ असह्य झाल्यामुळे अखेर पीडित बहिणींनी या नराधमाच्या तावडीतून सुटण्यासाठी धाडस दाखवले. त्यांनी थेट डहाणू पोलीस ठाणे गाठून घडलेला सर्व प्रकार पोलिसांना सांगितला. पीडितांच्या जबाबानंतर पोलिसांनी त्वरित गुन्हा दाखल केला आहे. आरोपी फरार, पोलिसांकडून शोध सुरू गुन्हा दाखल झाल्याची कुणकुण लागताच नराधम आरोपी परिसरातून फरार झाला आहे. पोलीस त्याची माहिती गोळा करत असून त्याच्या संभाव्य ठिकाणांवर छापे मारले जात आहेत. महिलांवरील या गंभीर अत्याचारामुळे डहाणू परिसरात तीव्र संताप व्यक्त होत असून, आरोपीला लवकरात लवकर अटक करण्याची मागणी केली जात आहे. पोलीस या प्रकरणाचा पुढील तपास करत आहेत.
Source link
पालघर हादरले!:दोन सख्ख्या बहिणींना जाळ्यात ओढून अत्याचार; आक्षेपार्ह व्हिडिओच्या बळावर ब्लॅकमेलिंग, आरोपी फरार
