‘दिलवाले दुल्हनिया ले जाएंगे’ टीव्ही मालिका आणि ‘छावा’ सिनेमात ताराराणीची भूमिका करणारी २२ वर्षीय अभिनेत्री संचिता मच्छिंद्र उगलेने नालासोपारा येथील राहत्या घरी गळफास लावून आत्महत्या केली. १४ जून रोजी सायंकाळी घडलेल्या या घटनेत कोणत्याही प्रकारची सुसाइड नोट सापडलेली नसली, तरी तिच्याच नावाने तयार झालेल्या एका नवीन इन्स्टाग्राम आयडीवरून अत्यंत रहस्यमय पोस्ट करण्यात आली आहे. सुशांतसिंह राजपूत याच्या आत्महत्येच्या तारखेचा (१४ जून) संदर्भ देत, ‘पुन्हा तोच १४ जून’ असा उल्लेख या पोस्टमध्ये करण्यात आल्याने आता या प्रकरणाला एक नवे आणि गंभीर वळण मिळाले आहे. संचिताचा चुलत भाऊ आकाश उगले याने थेट मनोरंजन क्षेत्रातील ‘पॉवर गेम’ आणि छळवणुकीकडे बोट दाखवत उच्चस्तरीय चौकशीची मागणी केल्याने या मृत्यूभोवतीचे गूढ अधिक वाढले आहे. पोलिसांनी अजून गुन्हा दाखल केलेला नाही. दिव्य मराठी किस्सा संचिता तेव्हा ११ वर्षांची होती, जेव्हा तिचे वडील तिला ‘तारक मेहता का उल्टा चश्मा’ च्या सेटवर घेऊन गेले होते. मच्छिंद्र टीव्ही सेटवर पाण्याचा पुरवठा करायचे. तिथे कॅमेरे, कलाकारांची तयारी आणि शूटिंग जवळून पाहून तिने अभिनेत्री बनण्याचे स्वप्न पाहिले.
Source link
धक्कादायक:‘छावा’ सिनेमातील अभिनेत्री संचिताची आत्महत्या; सुसाइड नोट सापडली नाही, खोली आतून बंद होती
