एमपीच्या अनेक जिल्ह्यांत 72 तासांपासून पाऊस:महाराष्ट्रातील गडचिरोलीत पूर, यूपीच्या 46 जिल्ह्यांना मुसळधार पावसाचा इशारा

मध्य प्रदेशातून मान्सून निरोप घेण्यापूर्वी जोरदार बरसत आहे. जबलपूर, सागर, शहडोल आणि रीवा विभागांत ७२ तासांपासून मुसळधार पाऊस सुरू आहे. जबलपूरमध्ये रविवारी बरगी धरणाचे १७ दरवाजे उघडण्यात आले. गेल्या तीन दिवसांपासून शेजारच्या छत्तीसगड राज्यात होत असलेल्या मुसळधार पावसामुळे महाराष्ट्रातील गडचिरोली जिल्ह्यातील अनेक भागांत पूरस्थिती निर्माण झाली आहे. जिल्ह्यातील ५२५ लोकांना सुरक्षित ठिकाणी हलवण्यात आले आहे. उत्तर प्रदेशात पावसामुळे परिस्थिती बिघडली आहे. वादळी वाऱ्यासह झालेल्या पावसामुळे राज्यात दोन दिवसांत ६३ जणांचा मृत्यू झाला आहे. विविध जिल्ह्यांमध्ये ८ नद्या धोक्याच्या पातळीवरून वाहत आहेत. राज्यातील ४६ जिल्ह्यांसाठी आज मुसळधार पावसाचा इशारा देण्यात आला आहे. नेपाळच्या तराई भागात सातत्याने होत असलेल्या पावसामुळे बिहारमध्ये गंडक आणि कोसी नद्या दुथडी भरून वाहत आहेत. त्यामुळे १७ जिल्ह्यांतील सुमारे ६ गावे बेटांसारखी बनली आहेत, तर सुमारे ५०० घरे पाण्याखाली गेली आहेत. दुसरीकडे, सुपौलमधील ६० गावांमध्ये पूरस्थिती आहे. मुसळधार पावसामुळे ओडिशातील १३ जिल्हे प्रभावित झाले आहेत. गंजाम आणि कोरापूटमध्ये परिस्थिती गंभीर आहे. लोकांना सुरक्षित ठिकाणी हलवण्यात येत आहे. उपग्रह नकाशावर पाहा मान्सूनच्या ढगांची स्थिती देशभरातील हवामानाची छायाचित्रे देशभरातील हवामानाशी संबंधित अपडेट्स वाचण्यासाठी खालील लाइव्ह ब्लॉग पाहा…



Source link