सातारा पोलिस दलातील पोलिस कॉन्स्टेबल संतोष ननावरे (वय ३६, रा. ओझर्डे, ता. वाई) यांनी गळफास घेऊन आत्महत्या केल्याची धक्कादायक घटना शुक्रवारी सकाळी उघडकीस आली. पोलादपूर येथील एका हॉटेलमध्ये त्यांचा मृतदेह गळफास घेतलेल्या अवस्थेत आढळून आला. या घटनेमुळे सातारा पोलिस दलात हळहळ व्यक्त होत आहे. संतोष ननावरे हे सध्या भुईंज महामार्ग पोलिस मदत केंद्रात पोलिस अंमलदार म्हणून कार्यरत होते. त्यांनी पोलादपूर येथील एका हॉटेलमध्ये गळफास घेऊन जीवन संपवले. शुक्रवारी सकाळी ही घटना उघडकीस आल्यानंतर पोलादपूर पोलिसांनी घटनास्थळी धाव घेत तपास सुरू केला. घटनेची माहिती मिळताच सातारा पोलिसांचे पथकही पोलादपूर येथे दाखल झाले. ननावरे यांच्या आत्महत्येमागील नेमके कारण अद्याप स्पष्ट झालेले नाही. कौटुंबिक कारणातून त्यांनी हे टोकाचे पाऊल उचलले की अन्य काही कारण होते, याचा तपास सुरू आहे. वरिष्ठांकडून होणाऱ्या कथित त्रासाच्या शक्यतेचाही तपासाच्या अनुषंगाने विचार केला जात आहे. ३६ वर्षीय पोलिस अंमलदाराच्या अशा अकाली मृत्यूमुळे पोलिस दलात शोककळा पसरली आहे.
Source link
सातारा पोलिस दलातील कॉन्स्टेबलची पोलादपूरमध्ये आत्महत्या:भुईंज महामार्ग पोलिस मदत केंद्रात होते कार्यरत; आत्महत्येमागील कारण अद्याप अस्पष्ट
