2 मिनिटांपूर्वी
- कॉपी लिंक
नॅशनल टेस्टिंग एजन्सीने (NTA) JEE मेन 2027 च्या जानेवारी सत्रासाठी ऑनलाइन नोंदणी सुरू केली आहे. उमेदवार अधिकृत वेबसाइट jeemain.nta.nic.in वर जाऊन 22 नोव्हेंबर 2026 रोजी रात्री 11:50 वाजेपर्यंत नोंदणी करू शकतात. NTA, JEE मेन परीक्षा दोन सत्रांमध्ये म्हणजेच जानेवारी आणि एप्रिल 2027 मध्ये आयोजित करणार आहे.
परीक्षेचे स्वरूप आणि भाषा
- तीन पेपर असतील: पेपर 1 (B.E./B.Tech), पेपर 2A (B.Arch) आणि पेपर 2B (B.Planning)
- परीक्षा पद्धत: परीक्षा संगणकावर आधारित (CBT) पद्धतीने घेतली जाईल; मात्र B.Arch ची ड्रॉइंग चाचणी ऑफलाइन A4 शीटवर घेतली जाईल.
- नकारात्मक गुणांकन: चुकीचे उत्तर दिल्यास 1 गुणाचे नकारात्मक गुणांकन लागू होईल.
- परीक्षा 13 भाषांमध्ये घेतली जाईल: इंग्रजी, हिंदी, गुजराती, मराठी, बंगाली, आसामी, कन्नड, मल्याळम, ओडिया, पंजाबी, तमिळ, तेलुगू आणि उर्दू.
NTA नोंदणीकृत ई-मेल आणि मोबाइल नंबरवरून देणार माहिती
उमेदवारांना स्वतःचा किंवा त्यांच्या पालकांचा अथवा पालकत्वाची जबाबदारी असलेल्या व्यक्तीचा ईमेल अ‍ॅड्रेस आणि मोबाइल नंबर द्यावा लागेल, कारण NTA नोंदणीकृत ईमेल अ‍ॅड्रेस आणि मोबाइल नंबरच्या माध्यमातून माहिती पाठवेल.
अर्ज प्रक्रियेत मदतीसाठी उमेदवार NTA शी 011-40759000 किंवा 011-69227700 या क्रमांकांवर संपर्क साधू शकतात किंवा jeemain@nta.ac.in वर ईमेल करू शकतात.
या परीक्षेद्वारे देशातील प्रमुख अभियांत्रिकी, आर्किटेक्चर आणि प्लॅनिंग महाविद्यालयांमध्ये (जसे की NITs, IIITs) प्रवेश मिळतो. यासाठी बारावीची परीक्षा (भौतिकशास्त्र, रसायनशास्त्र आणि गणित विषयांसह) उत्तीर्ण झालेले विद्यार्थी किंवा 2027 मध्ये बारावीची बोर्ड परीक्षा देणारे विद्यार्थी अर्ज करू शकतात. JEE Main परीक्षा देण्यासाठी कमाल वयोमर्यादा नाही.
JEE Main 2027 साठी असा करा अर्ज:
पहिली पायरी: अधिकृत वेबसाईट jeemain.nta.nic.in वर जा.
दुसरी पायरी: होमपेजवर JEE Main 2027 सेशन – 1 नोंदणी (Registration) लिंकवर क्लिक करा.
तिसरी पायरी: आपली मूलभूत (Basic) माहिती प्रविष्ट (Enter) करा.
चौथी पायरी: अर्ज भरून आवश्यक कागदपत्रे (Documents) अपलोड करा.
पाचवी पायरी: ऑनलाईन पद्धतीने शुल्काचा (Fees) भरणा करा.
सहावी पायरी: फॉर्म सबमिट (Submit) करा.
सातवी पायरी: कन्फर्मेशन पेज (Confirmation Page) डाऊनलोड करून त्याची प्रिंट काढून घ्या.
