Many new tools and features related to AI were also introduced, AI, Gmail-YouTube will become smart at Google’s I/O 2026

गुगलने आपल्या वार्षिक डेव्हलपर इव्हेंट ‘गुगल आय/ओ २०२६ मध्ये आर्टिफिशियल इंटेलिजन्स (एआय) शी संबंधित अनेक मोठे अपडेट्स सादर केले आहेत. या अनावरणात जेमिनी एआयशी संबंधित अनेक नवीन टूल्स आणि फीचर्सही सादर केले, जे जीमेल, यूट्यूब, गुगल सर्च आणि वर्कप्लेस सारख्या प्लॅटफॉर्म्सशी जोडले जातील. जाणून घ्या डेव्हलपर इव्हेंटमध्ये काय खास होते:

अधिक वेगवान जेमिनीसह व्हिडीओ टूल, स्मार्ट ग्लासेसचीही झलक

१. जेमिनी ३.५ फ्लॅश लाँच: हे पूर्वीपेक्षा अधिक वेगवान असल्याचे सांगितले गेले आहे. हे जेमिनी ॲप आणि सर्च एआय मोडमध्ये उपलब्ध असेल. २. जेमिनी ओम्नी व्हिडिओ टूल: हे टेक्स्ट, फोटो, ऑडिओ आणि व्हिडिओ समजून घेऊन सजीव एआय व्हिडिओ बनवू शकेल. युजर कॅमेरा अँगल देखील ठरवू शकतील. हे कोणत्याही इनपुटमधून कोणत्याही प्रकारचा आउटपुट बनवण्यास सक्षम असेल. ३. जेमिनी स्पार्क एआय एजंट : युजरची मोठी कामे बॅकग्राउंडमध्ये करेल. डिव्हाईस बंद असतानाही क्लाउडच्या माध्यमातून काम सुरू राहील. ४. जीमेल-डॉक्समध्ये एआय फीचर्स : आता जीमेल, गुगल डॉक्स आणि गुगल कीपमध्ये एआयच्या मदतीने प्रश्न विचारणे, नोट्स बनवणे आणि ईमेल मॅनेज करणे सोपे होईल. ५. यूट्यूब आणि सर्च अपडेट : ‘आस्क यूट्यूब’ च्या माध्यमातून व्हिडिओचा खास भाग शोधता येईल. यूट्यूब त्या विषयाशी संबंधित व्हिडिओंची यादी दाखवेल, ज्यामध्ये शॉर्ट व्हिडिओ देखील असतील. आस्क यूट्यूब थेट व्हिडिओच्या त्या भागावर घेऊन जाईल ज्याची तुम्हाला गरज आहे. तुम्हाला ती माहिती स्वतः शोधण्याची गरज पडणार नाही. ६. स्मार्ट ग्लासेसची झलक : अँड्रॉइड एक्सआर आधारित स्मार्ट ग्लासेस दाखवले. अँड्रॉइड १७ मध्ये नवीन ‘हालो इंडिकेटर’ (एआय ॲक्टिव्हिटी दाखवणारा व्हिज्युअल संकेत) फीचर देखील येईल. ७. जेमिनी एआय : गुगल क्रोम आणि गुगल सर्चमध्ये वॉटरमार्क असलेले एआय-जनरेटेड इमेज, व्हिडिओ आणि ऑडिओ शोधू शकेल. जेमिनी ॲपसोबत फोटो शेअर करून विचारू शकता की हा खरा आहे का. एवढेच नाही तर, क्रोम आणि सर्चमध्ये गुगलच्या सर्कल टू सर्च सुविधेचा वापर करता येईल. ऑनलाइन कोणत्याही फोटोवर राईट-क्लिक करून विचारू शकाल की हा एआयने तर बनवला नाहीये?