ऊस उत्पादक शेतकऱ्यांच्या मागण्यांसाठी कर्नाटकातील बेळगाव जिल्ह्यातील टोलनाक्यावर सुरू असलेले शेतकरी संघटनांचे आंदोलन अखेर संपले आहे. या आंदोलनामुळे राष्ट्रीय महामार्ग क्रमांक 48 (NH-48) वर निर्माण झालेली वाहतूक कोंडी आता दूर झाली असून, दोन्ही बाजूंनी
.
बेळगाव जिल्ह्यातील टोलनाक्यावर काल सकाळपासून शेतकरी संघटनांचे आंदोलन सुरू होते. या आंदोलनामुळे महामार्गावरील वाहतुकीवर परिणाम झाला होता. वाहनांच्या लांबच लांब रांगा लागल्याने वाहतूक कोंडीची परिस्थिती निर्माण झाली होती. त्यामुळे या मार्गावरून प्रवास करणाऱ्या वाहनचालकांना आणि प्रवाशांना अडचणींचा सामना करावा लागत होता.
मात्र, आज संध्याकाळी 7 वाजण्याच्या सुमारास हे आंदोलन संपल्याची माहिती पोलीस महानिरीक्षक रंजन कुमार शर्मा यांनी दिली. आंदोलन संपल्यानंतर महामार्गावरील वाहतूक पूर्ववत करण्यात आली असून, दोन्ही बाजूंनी वाहनांचे आवागमन सुरू झाले आहे. सध्या NH-48 वर कोणत्याही प्रकारची वाहतूक कोंडी नसल्याचेही त्यांनी स्पष्ट केले.
प्रवाशांच्या मदतीसाठी पोलीस तैनात
महामार्गावरील वाहतूक सुरळीत राहावी आणि प्रवाशांची गैरसोय होऊ नये, यासाठी वाहतूक पोलीस आणि स्थानिक पोलिसांना NH-48 वरील विविध ठिकाणी तैनात करण्यात आले आहे. वाहनांची ये-जा व्यवस्थित सुरू राहावी, तसेच वाहतूकदारांना कोणत्याही प्रकारच्या अडचणींचा सामना करावा लागू नये, यासाठी पोलीस यंत्रणेकडून आवश्यक खबरदारी घेण्यात येत असल्याचे शर्मा यांनी सांगितले.
NH-48 वरून प्रवास करण्याचे आवाहन
आंदोलनामुळे महामार्गावर वाहतूक कोंडी निर्माण झाल्याने प्रवाशांमध्ये संभ्रमाचे वातावरण होते. मात्र, आता आंदोलन संपले असून वाहतूक सुरळीत झाली आहे. त्यामुळे वाहनचालक आणि प्रवाशांना NH-48 वरून प्रवास करता येईल, असे पोलीस महानिरीक्षकांनी स्पष्ट केले.
महामार्गावरील परिस्थिती नियंत्रणात असून, वाहतुकीत अडथळे निर्माण होऊ नयेत यासाठी पोलीस कर्मचारी विविध ठिकाणी लक्ष ठेवून आहेत. प्रवाशांची सुरक्षितता आणि वाहतुकीचे नियोजन यांना प्राधान्य देण्यात येत असल्याचेही त्यांनी सांगितले.
शेतकरी आंदोलनामुळे निर्माण झालेली वाहतूक कोंडी दूर झाल्याने महाराष्ट्र-कर्नाटक मार्गावरील प्रवाशांना दिलासा मिळाला आहे. NH-48 वरून प्रवास करणाऱ्या वाहनचालकांनी वाहतूक नियमांचे पालन करावे आणि पोलिसांच्या सूचनांनुसार प्रवास करावा, असे आवाहन करण्यात येत आहे.
हेही वाचा….
राजू शेट्टींचा आंदोलनाचा पवित्रा बदलला:महामार्गावरील ठिय्या थांबवून साखर कारखाने बंद पाडण्याचा इशारा
ऊसाला प्रतिटन 5,500 रुपये दर जाहीर करावा, या मागणीसाठी सुरू असलेल्या आंदोलनाची दिशा स्वाभिमानी शेतकरी संघटनेचे नेते राजू शेट्टी यांनी बदलली आहे. पुणे-बंगळुरू महामार्गावरील वाहतूक रोखून सुरू असलेले आंदोलन थांबवण्याचा निर्णय घेतल्यानंतर आता ऊसाला अपेक्षित दर जाहीर न करताच गाळप सुरू करणाऱ्या साखर कारखान्यांना लक्ष्य करण्याचा इशारा त्यांनी दिला आहे. मागण्यांकडे सरकार आणि साखर कारखानदारांकडून दुर्लक्ष होत असल्याचा आरोप करत, शेतकऱ्यांना त्रास देणाऱ्यांना आता आंदोलनाची ताकद दाखवून देऊ, अशी भूमिका शेट्टी यांनी मांडली. सविस्तर वाचा…
