प्रतिनिधी । औराळा कन्नड तालुक्यातील औराळा येथे अहिल्यादेवी होळकर यांच्या ३०१व्या जयंतीनिमित्त त्यांच्या पुतळयास पुष्पहार अर्पण करून अभिवादन करण्यात आले. या वेळी सुरेश गुजराणे, रमेशकुमार खंडेलवाल, माजी सरपंच विठ्ठल गुजराणे, देविदास राठोड, कैलास देशमुख यांच्या हस्ते अहिल्यादेवींच्या पुतळयास पुष्पहार अर्पण करण्यात आले. सतीश जिवरख यांनी अहिल्याबाई होळकर यांच्या जीवन कार्यावर प्रकाश टाकला. देविदास राठोड अहिल्यादेवींच्या कार्याला उजाळा देत म्हणाले की, आपण पुण्यश्लोक अहिल्यादेवी होळकर यांच्या जीवन कार्यावर व्याख्यान व प्रबोधनपर प्रवचनाचे विविध कार्यक्रम घेऊन समाजामध्ये त्यांचा इतिहास समाजाला शिकवला पाहिजे. म्हणजे तरुण पिढी त्यांचा इतिहास वाचून प्रेरित होईल. माजी जि.प. सदस्य सुरेश गुजराणे यांनी कार्यक्रमाचे आभार प्रदर्शन केले. औराळा येथे अहिल्यादेवी होळकर यांची जयंती साजरी करण्यात आली.
Source link
औराळा येथे अहिल्यादेवी होळकर जयंती साजरी:अहिल्याबाई होळकर यांच्या जीवन कार्यावर प्रकाश
