श्रीरामपूर येथील हरेगाव रोडवरील एस कॉर्नर परिसरातून गावठी कट्टा बाळगणाऱ्या एका सराईत आरोपीस स्थानिक गुन्हे शाखेचे पोलिस पथकाने अटक केली. पोलिसांनी त्याचेकडून गावठी पिस्टल, दोन जिवंत काडतुसे, मोबाईल आणि स्कॉर्पिओ वाहनासह एकूण १४ लाख ४२ हजार रुपयांचा मुद्देमाल जप्त करण्यात आला. पोलिस अधीक्षक मुम्मका सुदर्शन यांच्या आदेशानुसार स्थानिक गुन्हे शाखेचे निरीक्षक संतोष मुटकुळे यांच्या नेतृत्वाखाली सहाय्यक निरीक्षक हरिष भोये, उपनिरीक्षक संदीप मुरकुटे व त्यांच्या पथकास गुप्त बातमीदारामार्फत माहिती मिळाल्यानंतर या पथकास हरेगाव फाटा परिसरात काळ्या रंगाच्या स्कॉर्पिओमधून एक व्यक्ती गावठी कट्टा घेऊन फिरत असणाऱ्या पकडण्यासाठी ग्रामीण रुग्णालयाजवळील एस कॉर्नर रोड परिसरात सापळा रचला. दरम्यान, हरेगावकडून श्रीरामपूरकडे येणारी विनानंबर स्कॉर्पिओ संशयास्पदरीत्या आढळून आली. पोलिसांनी वाहन अडवून चालकाला ताब्यात घेतले. त्याचे नाव अविनाश धनराज माकोने, (रा. निफाड, जि. नाशिक) असे आहे. तपासादरम्यान आरोपीविरुद्ध यापूर्वी अहिल्यानगर व नाशिक जिल्ह्यात विविध नऊ गुन्हे दाखल आहे. झडतीदरम्यान आरोपीच्या ताब्यातून ३० हजार रुपये किमतीचे गावठी पिस्टल, २ हजार रुपये किमतीची दोन जिवंत काडतुसे, १० हजार रुपयांचा मोबाईल आणि १५ लाख रुपयांची स्कॉर्पिओ असा एकूण १५ लाख ४२ हजार रुपयांचा मुद्देमाल जप्त करण्यात आला.
Source link
गावठी कट्ट्यासह सराईत आरोपी जेरबंद:15 लाख 42 हजारांचा मुद्देमाल जप्त
