राहुल गांधींनंतर आज मुख्यमंत्री फडणवीसांचा ‘युवा संवाद’:नागपुरात हजारो युवकांशी साधणार संवाद, ढोल-ताशांच्या वादनाचा जागतिक विक्रम घडणार

काँग्रेस नेते राहुल गांधी यांच्या पुण्यातील ‘छात्रों की गूंज’ कार्यक्रमानंतर आता मुख्यमंत्री देवेंद्र फडणवीस आज नागपुरात हजारो युवकांशी संवाद साधणार आहेत. मागील महिनाभरापासून सुरू असलेल्या ‘मंथन-४ युवा अभियानाचा’ आज रेशीमबाग मैदानावर फडणवीस यांच्या उपस्थितीत समारोप होणार आहे. ‘मंथन ४ युवा अभियाना’चा भव्य समारोप गेल्या एका महिन्यापासून नागपुरात ‘मंथन ४ युवा अभियान’ राबवले जात आहे. या अभियानाचा आज मुख्यमंत्री देवेंद्र फडणवीस यांच्या प्रमुख उपस्थितीत भव्य समारोप होणार आहे. नागपुरातील प्रसिद्ध रेशीमबाग मैदानावर या महा-कार्यक्रमाचे आयोजन करण्यात आले असून, यासाठी शहरात जय्यत तयारी करण्यात आली आहे. ‘जेन झी’ आणि ‘अल्फा’ पिढीशी चर्चा काल राहुल गांधींनी पुण्यात तरुणांचे प्रश्न ऐकून घेतले, तर आज नागपुरात देवेंद्र फडणवीस हे वेगवेगळ्या क्षेत्रांत कार्यरत असलेल्या ‘जेन झी’ आणि ‘अल्फा’ पिढीतील हजारो युवकांशी दिलखुलास संवाद साधणार आहेत. बदलत्या काळातील तरुणांच्या अपेक्षा, त्यांचे प्रश्न आणि भविष्यातील संधी यावर या कार्यक्रमात सविस्तर मंथन होणार असल्याचे सांगण्यात येत आहे. आगामी निवडणुकांच्या पार्श्वभूमीवर तरुणांना आकर्षित करण्यासाठी दोन्ही प्रमुख पक्षांकडून सुरू असलेले हे प्रयत्न राजकीय वर्तुळात चर्चेचा विषय ठरत आहेत. ढोल-ताशांचे महावादन या समारोप कार्यक्रमाचे सर्वात मोठे आणि प्रमुख आकर्षण म्हणजे ढोल-ताशांचे महावादन. रेशीमबाग मैदानावर हजारो ढोल-ताशा वादक एकत्र येऊन सामूहिक वादन करणार आहेत. या अद्भुत आणि ऊर्जादायी सादरीकरणातून एका नवीन जागतिक विक्रमाची नोंद केली जाणार आहे. या ऐतिहासिक क्षणाचे साक्षीदार होण्यासाठी नागपूरकरांमध्ये आणि विशेषतः तरुणांमध्ये मोठा उत्साह पाहायला मिळत आहे. हेही वाचा.. राहुल म्हणाले- महिलांविरोधात 3 प्रकारे हिंसा:पहिली- गर्भातच हत्या, दुसरी- शारीरिक अत्याचार, तिसरी- आर्थिक निर्बंध शनिवारी ‘छात्रों की गूंज’ कार्यक्रमात राहुल गांधी म्हणाले, “देशातील मुली स्वतंत्र असणे महत्त्वाचे आहे. तुमचे तुमच्या वडिलांशी, पतीशी आणि मुलाशी नाते असते, पण तुमची ओळख त्यांच्यासोबत नाही.” ते म्हणाले की, मनुस्मृती सांगते की मुलगी ही तिच्या वडिलांची, पतीची आणि मुलांची मालमत्ता आहे. हे लज्जास्पद आहे. महिला स्वतंत्र असल्या पाहिजेत. त्या कोणावरही अवलंबून नाहीत. राहुल गांधी म्हणाले, “महिलांवरील हिंसाचाराचे तीन प्रकार आहेत. पहिला, जन्मावेळी हत्या, दुसरा, शारीरिक छळ आणि तिसरा, आर्थिक निर्बंध.” या कार्यक्रमासाठी केवळ विद्यार्थिनींना आमंत्रित करण्यात आले होते. यावेळी त्यांनी ‘राहुल-राहुल’च्या घोषणा दिल्या. सविस्तर वाचा



Source link