तमिळनाडूतील इरोडच्या १७ वर्षीय प्रणव इलांगो याला अमेरिकेतील प्रतिष्ठित ब्राऊन युनिव्हर्सिटीकडून ३.५५ कोटी रुपयांची शिष्यवृत्ती मिळाली. यात चार वर्षांच्या पदवीचा अभ्यास, ट्यूशन फी आणि राहण्याचा खर्च समाविष्ट आहे. प्रणवसाठी इथपर्यंत पोहोचण्याचा प्रवास सोपा नव्हता. त्याने १३ व्या वर्षी तयारीला सुरुवात केली. डेक्सटेरिटी ग्लोबलच्या नॅशनल एज्युकेटर डेव्हलपमेंट प्रोग्रामशी तो जोडला गेला. येथे त्याला आंतरराष्ट्रीय शिक्षणासाठी मार्गदर्शन आणि प्रशिक्षण मिळाले. यानंतर सॅट मुळे ब्राऊन युनिव्हर्सिटीत प्रवेश मिळवण्यात तो यशस्वी ठरला. पूर्वी प्रणवने केंब्रिज आयजीसीएसई गणित परीक्षेत जगात प्रथम क्रमांक मिळवला होता. जिद्द… दोन दिवसांचा खंडही तयारी बिघडवू शकतो प्रणवच्या मते, अभ्यासात दोन दिवसांचा खंडही तयारीची लय बिघडू शकतो. त्यामुळे तो रोज तयारी करण्यावर भर देत असे. त्याचे प्रशिक्षण केवळ अभ्यासापुरते मर्यादित नव्हते. त्याला लीडरशिप आणि प्रॉब्लेम सॉल्व्हिंगचेही प्रशिक्षण मिळाले. २०२३-२४ च्या केंब्रिज इंटरनॅशनल आयजीसीएसई गणित परीक्षेत प्रणव वर्ल्ड टॉपर राहिला होता. ब्राऊनमध्ये केवळ ५% अर्जदारांना प्रवेश प्रणवच्या मते, ब्राऊन युनिव्हर्सिटीमध्ये प्रवेश मिळवण्याची स्पर्धा अत्यंत कठीण आहे. केवळ ५% अर्जदारांनाच जागा मिळते. तो पब्लिक हेल्थ आणि अप्लाईड मॅथ्सचा अभ्यास करणार आहे. ज्याचा फायदा सर्वसामान्यांना होईल, असे पब्लिक हेल्थ मॉडेल तयार करणे हे त्याचे ध्येय आहे. प्रणवच्या या ५ धड्यांतून विद्यार्थीही शिकू शकतात लवकर सुरुवात करा: प्रणवने १३ व्या वर्षापासून मोठ्या ध्येयासाठी तयारी सुरू. रोज थोडे चांगले व्हा: सॅटच्या प्रॅक्टिस टेस्टमध्ये १३५० पासून सुरुवात करून सरावाने त्याने आपला स्कोर १५५० पर्यंत पोहोचवला. उणीव ओळखून त्यावर काम करा: कच्च्या विषयांवर लक्ष केंद्रित केले, फ्लॅशकार्ड बनवले, टेस्टची रणनीती सुधारली. गुणांमागे धावू नका: एआय, डेटा सायन्स, आरोग्य आणि इतर समस्यांवर प्रोजेक्ट करून प्रोफाइल मजबूत केली. मोठे ध्येय: शिक्षण आणि ज्ञानाचा उपयोग भारत व गरजूंसाठी करायचा आहे.
Source link
17 वर्षीय प्रणवने 13 व्या वर्षापासून रोज सराव केला:गणितात वर्ल्ड टॉपर बनला; आता अमेरिकेने 3.55 कोटींची शिष्यवृत्ती दिली
