सोलापूर जिल्हा मध्यवर्ती बँकेचे (डीसीसी बँक) अधिकारी अनिल कोंडीबा बाबर (वय ५८, रा. टेंभुर्णी,) यांचे शनिवार दि. १३ रोजी टेंभुर्णी- कुर्डुवाडी रोडवर माळी पाटीजवळ असलेल्या वळणावर २ वाहनांची समोरासमोर धडक होऊन झालेल्या अपघातात निधन झाले. तर चारचाकी गाडीतील चालकासह चौघे जखमी झाले आहेत. माढा तालुक्यात सीनिअर बँक इन्स्पेक्टर (वरिष्ठ शाखा निरीक्षक) या पदावर कार्यरत असलेले अनिल कोंडीबा बाबर हे कुर्डुवाडी शाखेतील कर्जमाफी संदर्भातील कामकाज उरकून त्याची एम एच ४५ एन ४०६७ ही आय टेन ही चारचाकी गाडी घेऊन टेंभुर्णीकडे निघाले होते. टेंभुर्णी- कुर्डुवाडी रोडवर कुर्डु हद्दीतील माळी पाटी येथील गाडी वळणावर आली असताना समोरून येणारी चारटाकी एमएच ४५ बीडी ७००८ या गाडीची समोरासमोर धडक होऊन झालेल्या अपघातात अनिल बाबर हे जागीच मयत झाले. अपघाताची माहिती मिळताच घटनास्थळी व कुर्डुवाडीतील ग्रामीण रुग्णालयात मोठी गर्दी केली होती. त्यांच्या पश्चात दोन मुले, पत्नी, सून असा परिवार आहे.
Source link
कुर्डुवाडीतील अपघातात 1 ठार, चार जण जखमी:डीसीसी बँकेचे अधिकारी अनिल बाबर गतप्राण
