हिरुड, शहापूर येथील युवा आणि प्रगतशील शेतकरी उमेश बघणे यांना महाराष्ट्र शासनाचा प्रतिष्ठेचा वसंतराव नाईक शेतीनिष्ठ पुरस्कार जाहीर झाला आहे. ते दत्तपूर्णा फार्मर प्रोड्युसर कंपनीचे अध्यक्ष आहेत. या यशाबद्दल जिल्हा परिषदेचे माजी सदस्य प्रकाश साबळे आणि त्यांच्या सहकाऱ्यांनी गावात जाऊन बघणे यांचा सत्कार केला. या सत्कार समारंभाला प्रगतशील शेतकरी दत्तात्रय किटुकले, सरपंच विजयराव राऊत, गौरव वैद्य, विलासराव देशमुख युवा प्रतिष्ठानचे अध्यक्ष अनिकेत जावरकर, महेश वैद्य, राहुल डवरे यांच्यासह अनेक मान्यवर उपस्थित होते. उमेश बघणे यांनी स्थापन केलेल्या श्री दत्तकृपा फार्मर प्रोड्युसर कंपनी, शहापूर या संस्थेला तीन वर्षांपूर्वी उत्कृष्ट शेतकरी उत्पादक कंपनी म्हणून राज्यस्तरीय राजीव गांधी कृषी रत्न पुरस्काराने सन्मानित करण्यात आले होते. त्यांच्या नेतृत्वाखाली या कंपनीने शेतकरी हितासाठी अनेक उल्लेखनीय उपक्रम राबवले आहेत. ग्रामीण भागातील शेतकऱ्यांशी आपुलकीचे नाते जपणारे, नाविन्यपूर्ण शेती पद्धतींचा अवलंब करणारे आणि शेतकरी विकासासाठी सातत्याने कार्यरत असलेले शेतकरी म्हणून उमेश बघणे यांचा नावलौकिक आहे. महाराष्ट्र शासनाकडून त्यांना हा पुरस्कार जाहीर झाल्याने संपूर्ण शेतकरी वर्गात आनंदाचे वातावरण आहे. सर्व स्तरांतून त्यांच्यावर अभिनंदनाचा वर्षाव होत आहे.
Source link
उमेश बघणे यांना वसंतराव नाईक शेतीनिष्ठ पुरस्कार जाहीर:जिल्हा परिषदेचे माजी सदस्य प्रकाश साबळे यांच्याकडून सत्कार
