बहुचर्चित केतन अग्रवाल हत्या प्रकरणाच्या तपासाला आता वेग आला असून, या प्रकरणात रोज चक्रावून टाकणारे खुलासे समोर येत आहेत. मुख्य आरोपी सिया गोयल आणि तिचा प्रियकर चेतन चौधरी सध्या पोलिस कोठडीत असून, पोलिसांनी सियाचा भाऊ साहिल गोयल याची तब्बल 10 तास कसू
.
‘मला केतनसोबत लग्न करायचे नव्हते आणि हे मी कुटुंबीयांना आधीच सांगितले होते’, असा दावा सियाने केला होता. मात्र, तिचा भाऊ साहिलने पोलिसांना सांगितले की, सियाने लग्नाला विरोध असल्याबाबत मला किंवा कुटुंबाला काहीही सांगितले नव्हते; जर तिने आधीच कल्पना दिली असती, तर कुटुंबीयांनी तिचे लग्न लावले नसते. भावाच्या या तोंडावर पाडणाऱ्या जबाबामुळे सियाचा खोटारडेपणा उघड झाला आहे.
अशी झाली दोघांची ओळख
सियाचा भाऊ साहिल आणि चेतन हे एकत्र क्रिकेट खेळत असल्याने, त्यांच्या मॅचेस पाहताना सिया व चेतनची पहिली ओळख झाली होती. पुढे एका मित्राच्या दिवाळी पार्टीत त्यांची पुन्हा भेट झाली आणि या परिचयाचे रूपांतर प्रेमात झाले. पोलिसांनी काढलेल्या कॉल डिटेल्सनुसार, गेल्या काही महिन्यांत या दोघांमध्ये तब्बल 2 हजार 4 फोन कॉल्स झाले असून, त्यांनी फोनवर सुमारे 238 तास संवाद साधला होता.
संशय येऊ नये म्हणून प्लॅन
केतन अग्रवालची हत्या केल्यानंतर पोलिसांचा संशय येऊ नये, म्हणून या दोघांनी एक पद्धतशीर प्लॅन आखला होता. त्यानुसार हत्येनंतर काही दिवस एकमेकांना न भेटण्याचा निर्णय त्यांनी घेतला होता. तसेच, पुराव्यांचा कोणताही सुगावा लागू नये यासाठी खून करण्यापूर्वी आणि नंतर दोघांनीही मोबाईलमधील सर्व व्हॉट्सॲप चॅट्स आणि मेसेजेस डिलीट केले होते. पोलिसांनी दोन्ही आरोपींचे मोबाईल जप्त केले असून ते फॉरेन्सिक सायन्स लॅबकडे पाठवले आहेत. डिलीट झालेला हा डेटा रिकव्हर केल्यानंतर पोलिसांच्या हाती या प्रकरणातील सर्वात महत्त्वाचे पुरावे लागतील, असे सूत्रांनी सांगितले.
लोणावळा पोलिसांकडून सियाच्या आई-वडिलांनाही चौकशी
या प्रकरणाचा पुढील तपासासाठी पोलिसांनी सियाच्या आई-वडिलांनाही चौकशीसाठी बोलावले. सियाच्या वडिलांना रुग्णालयातून डिस्चार्ज मिळाल्यानंतर, आज त्यांनी पत्नीसह लोणावळा पोलिस ठाण्यात हजेरी लावली असून सध्या पोलिस त्यांची कसून चौकशी करत आहेत.
हे ही वृत्त वाचा
सियाचा बॉयफ्रेंड चेतन चौधरी मूळचा जोधपूरचा:गर्लफ्रेंडला मेहरानगड किल्ला दाखवण्यासाठी आणले होते, दिव्य मराठी आरोपीच्या घरी
पुणे (महाराष्ट्र) येथील केतन अग्रवाल हत्याकांडातील आरोपी सिया गोयल हिचा प्रियकर चेतन चौधरी (23) हा जोधपूरचा रहिवासी आहे. दैनिक दिव्य मराठी सर्वात आधी हा खुलासा करत आहे. चेतनचे बिलाडा शहरातील पलासनी गावात वडिलोपार्जित घर आहे. वडिलांचे पुण्यात किराणा – जीवनावश्यक वस्तूंचे दुकान आहे.
चेतनही तिथेच राहून शिक्षण घेत होता. याच दरम्यान तो सियाच्या संपर्कात आला. हत्याकांडात नाव समोर आल्यानंतर दिव्य मराठीची टीम चेतनच्या वडिलोपार्जित गावी पोहोचली. चेतनचे कुटुंब (काका) देखील या घटनेमुळे धक्का बसलेल्या अवस्थेत आहे. त्यांनी सांगितले – चेतन दोषी असेल तर त्याला शिक्षा मिळेल.
गावात चेतनच्या काही मित्रांकडून विशेष माहिती मिळाली. चेतन हत्याकांड घडण्यापूर्वी आपली गर्लफ्रेंड सियासह जोधपूरच्या पर्यटनासाठी आला होता. एक महिन्यापूर्वी दोघांनी उदयपूरमधील ते आलिशान हॉटेलही पाहिले होते, जिथे सियाचे डेस्टिनेशन वेडिंग होणार होते. वाचा संपूर्ण अहवाल.… वाचा सविस्तर पोलिस केतन जिवंत असल्याचे सांगताच सियाचे हावभाव बदलले:प्रश्न विचारताना आत्याने सियाला ओढून नेले, तेव्हाच आमचा संशय वाढला -वडील
पुणे येथील केतन अग्रवाल खून प्रकरणात, केतनचे वडील विशाल अग्रवाल यांनी दावा केला की, घटनेच्या दिवशीच कुटुंबाला सिया गोयलवर संशय आला होता. त्यांनी सांगितले की, घटनास्थळी उपस्थित महिला पोलिसांनी जेव्हा सांगितले की केतन अजून जिवंत आहे. त्याला त्वरित रुग्णालयात नेले पाहिजे, तेव्हा सियाचे हावभाव बदलले. यानंतर सियाने कुटुंबाच्या प्रश्नांचीही कोणतीही उत्तरे दिली नाहीत.
विशाल अग्रवाल यांनी दिव्य मराठीला सांगितले की, 18 जून रोजी सियाच्या आईचा फोन आला की केतन लोहगड किल्ल्यावरून पडला आहे. कुटुंब घटनास्थळी पोहोचले तेव्हा केतनला दरीतून बाहेर काढण्यात आले होते. त्यांनी पाहिले की केतनचे तोंड बांधलेले होते. चेहरा उघडून ओळख पटवण्यात आली. वाचा सविस्तर
