'गुगल सर्च'ने फोडले धर्मांतराचे बिंग:पीडितेचे नाव 'हानिया' ठेवून भरली जकात; नाशिक TCS प्रकरणात SIT चा कोर्टात हादरवणारा पुरावा

नाशिक येथील टीसीएस (TCS) कंपनीत काम करणाऱ्या अविवाहित तरुणीवरील अत्याचार आणि सक्तीच्या धर्मांतर प्रकरणात एक अत्यंत धक्कादायक माहिती समोर आली आहे. या प्रकरणाचा तपास करणाऱ्या विशेष तपास पथकाने (SIT) न्यायालयात भक्कम पुरावे सादर केले असून, संशयितांच्या एका ‘गुगल सर्च’मुळे त्यांच्या कटाचा मोठा भांडाफोड झाला आहे. ‘गुगल सर्च’ आणि ‘हानिया’ नावाने जकात संशयितांनी पीडित तरुणीचे सक्तीने धर्मांतर करण्यासाठी अत्यंत नियोजनबद्ध कट रचल्याचे एसआयटीच्या तपासात समोर आले आहे. संशयितांनी ५ एप्रिल २०२५ रोजी (म्हणजेच वर्षभरापूर्वी) पीडितेचे नाव बदलून ठेवण्यासाठी इंटरनेटवर शोध घेतला होता. तिला ‘हानिया’ हे नाव देण्यासाठी त्यांनी हा ‘गुगल सर्च’ केल्याचे पुराव्यांवरून सिद्ध झाले आहे. आरोपींनी फक्त नावच शोधले नाही, तर पीडितेची सर्व शैक्षणिक कागदपत्रे स्वतःच्या ताब्यात घेतली. तिचे बेकायदेशीरपणे नामांतर करून, तिच्या बदललेल्या नवीन नावाने चक्क ९ हजार रुपयांची ‘जकात’ देखील भरण्यात आली. एसआयटीने या सर्व बाबींचे सविस्तर पुरावे न्यायालयात सादर केले आहेत. राजकीय कनेक्शन: ‘एमआयएम’ नगरसेवक आणि ‘इस्लाम पार्टी’ची एन्ट्री देवळाली कॅम्प पोलिस ठाण्यात दाखल असलेल्या या गुन्ह्यात दानिश शेख, तौसिफ अत्तार आणि निदा खान हे मुख्य संशयित आहेत. मात्र, आता या प्रकरणाची व्याप्ती वाढली असून राजकीय नेत्यांचाही यात सहभाग असल्याचे समोर आले आहे. एसआयटीच्या सखोल तपासात छत्रपती संभाजीनगरमधील ‘एमआयएम’चा (MIM) नगरसेवक मतीन पटेल आणि घरमालक हानिफ शेख यांना सहसंशयित करण्यात आले आहे. संशयित निदा खानला लपण्यासाठी मतीन पटेलनेच हानिफचे घर उपलब्ध करून दिले होते. मालेगावच्या ‘इस्लाम पार्टी’चे संस्थापक अध्यक्ष आणि माजी आमदार आशिफ शेख यांनी मुख्य संशयित दानिश शेख याला वकील आणि कायदेशीर मदत पुरवत जाहीर पाठिंबा दिला आहे. निदा खान गर्भवती; न्यायालयाकडून वैद्यकीय तपासणीचे आदेश नाशिकरोड न्यायालयात २२ जून रोजी झालेल्या सुनावणीत संशयित निदा खान हिच्या प्रकृतीबाबत मोठा युक्तिवाद झाला. निदा खान सध्या गर्भवती असून, तिच्या शरीरातील लोहाचे (रक्ताचे) प्रमाण कमी झाले आहे. कारागृहात तिला जड कामे करावी लागत असून, यापूर्वी तिचा एकदा गर्भपात झाला असल्याने तिला तातडीने वैद्यकीय उपचारांची गरज असल्याचा युक्तिवाद तिच्या वकिलांनी केला. न्यायालयाने हा अर्ज मंजूर करत कारागृह प्रशासनासह पोलिसांना निदाच्या वैद्यकीय तपासणीचे आदेश दिले आहेत. 1500 पानांचे दोषारोपपत्र; जामिनावर 30 जूनला फैसला सध्या मुख्य संशयित निदा खान, दानिश शेख आणि तौसिफ अत्तार हे नाशिकरोड मध्यवर्ती कारागृहात न्यायालयीन कोठडीत आहेत. या गंभीर प्रकरणात एसआयटीने तब्बल १५०० पानांचे दोषारोपपत्र न्यायालयात दाखल केले आहे. संशयितांच्या जामीन अर्जावर १९ जून रोजी सरकारी आणि बचाव पक्षातर्फे तब्बल तीन तास जोरदार युक्तिवाद झाला होता. २५ जून रोजी यावर अंतिम आदेश होणार होता, मात्र न्यायालयाच्या व्यस्ततेमुळे तो लांबणीवर पडला. आता मंगळवारी (३० जून रोजी) न्यायालय संशयितांना जामीन देणार की त्यांचा अर्ज फेटाळणार, याकडे संपूर्ण राजकीय वर्तुळाचे आणि राज्याचे लक्ष लागले आहे. आरोपी म्हणाला- घाबरू नकोस, विश्वास ठेव, अल्लाह आपल्यासोबत आहे पीडितेने पोलिसांना दिलेल्या जबाबात सांगितले की, आरोपींनी ‘मानसिक ताण’ कमी करण्याच्या बहाण्याने तिच्या दुर्बलतेचा फायदा घेतला. एक आरोपी दानिश शेख, जो आधीच विवाहित आहे, त्याने लग्नाचे आमिष दाखवून लैंगिक शोषण केले. जेव्हा पीडितेला तिच्या भविष्याबद्दल भीती वाटू लागली, तेव्हा आरोपी म्हणाला- घाबरू नकोस, विश्वास ठेव, अल्लाह आपल्यासोबत आहे. देवाचे भजन ऐकणे आणि मंदिरात जाणे बंद कर. ताण कमी होईल. नंतर त्याने तस्बीह वाचायला सांगितले. पीडितेनुसार, त्याने (शेखने) सांगितले, तू जितके जास्त अल्लाहचे नाव घेशील, तुझे पाप माफ होत जातील आणि तुझी चांगली कर्मे वाढतील. यूट्यूबवर जाऊन पाकिस्तानी मौलवीचे व्हिडिओ दाखवले पीडितेनुसार, दानिशने तिला पाकिस्तानी इस्लामिक धर्मगुरू, उपदेशक आणि तबलीगी जमातचे सदस्य तारिक जमील यांचे व्हिडिओ पाहण्यास आणि त्यांची भाषणे ऐकण्यास सांगितले. पीडितेने सांगितले की, दानिशने तिच्या बँक खात्यांची आणि UPI PIN ची संपूर्ण माहिती घेतली होती. तिला बँक खात्यात जमा असलेल्या पैशांचीही माहिती होती. दानिशने इतर आरोपी तौसीफ आणि निदा यांना सांगितले होते की त्यांनी मला इस्लामिक धर्माबद्दल माहिती द्यावी. त्यामुळे, तौसीफ आणि निदा वेळोवेळी मला इस्लामबद्दल सांगत असत. तौसीफने मला सांगितले की मी माझ्या मोबाईलवर यूट्यूबवर झाकीर नाईक आणि डॉ. इसरार अहमद (पाकिस्तानी मौलवी) यांचे व्हिडिओ शोधून ऐकावे. तौसीफच्या सांगण्यानुसार मी ते व्हिडिओ पाहिले. चार्जशीटमध्ये 106 साक्षीदारांचे जबाब समाविष्ट आहेत, ज्यात तक्रारदार, तिची आई, TCS चे कर्मचारी/व्यवस्थापन, लैंगिक छळ प्रतिबंधक (POSH) समितीचे सदस्य आणि प्रकरणाची चौकशी करणारे अधिकारी यांचा समावेश आहे. आता जाणून घ्या काय आहे संपूर्ण प्रकरण… TCS च्या नाशिक कार्यालयात काम करणाऱ्या महिलांनी लैंगिक शोषणाचे आरोप केले. SIT शी संबंधित सूत्रांनी सांगितले की, ‘पहिली FIR २६ मार्च रोजी देवळाली कॅम्प पोलीस ठाण्यात दाखल करण्यात आली होती. त्यानंतर आणखी ८ महिलांनी तक्रारी दाखल केल्या. त्यांच्या जबाबातून लैंगिक शोषण, जबरदस्ती आणि धार्मिक भावना दुखावल्या गेल्याचा नमुना समोर आला आहे. नाशिक पोलिसांची SIT या प्रकरणात ९ छेडछाड आणि छळाच्या प्रकरणांची चौकशी करत आहे. FIR नुसार, निदा खानवर आरोप आहे की तिने व्हॉट्सॲप ग्रुपद्वारे कर्मचाऱ्यांवर नमाज पठण करण्यासाठी आणि मांसाहारी खाण्यासाठी दबाव टाकला. महिलांना इस्लामिक परंपरेनुसार कपडे घालण्याचा आणि वागण्याचा सल्लाही देण्यात आला.



Source link