Ladki Bahin Yojana June Payment Credited; Beneficiaries Receive Rs 1500

.

मुख्यमंत्री माझी लाडकी बहीण योजनेतून राज्यभरातील 92 लाख अपात्र तसेच ई-केवायसी न करणाऱ्या महिलांची नावे वगळण्यात आली आहेत. महायुती सरकारचा महिला व बालविकास विभाग तसेच नारीशक्ती ॲपच्या अधिकृत डेटा पडताळणीतून हा आकडा आल्यानंतर ही कारवाई करण्यात आली. त्यानंतर हे पैसे जमा झालेत.

का सुरू झाली योजना?

राज्यातील महिलांच्या आर्थिक स्वातंत्र्यासाठी, त्यांच्या आरोग्य आणि पोषणामध्ये सुधारणा करणे आणि कुटुंबातील त्यांची निर्णायक भूमिका मजबूत करण्यासाठी महाराष्ट्र राज्याची “मुख्यमंत्री माझी लाडकी बहीण” योजना सुरु करण्यास महाराष्ट्र शासनाने 28 जून 2024 रोजी मान्यता दिली. या योजनेमार्फत महाराष्ट्र राज्यातील 21 ते 65 वयोगटातील पात्र महिलांना दर महिना दीड हजार रुपयांचा आर्थिक लाभ DBT द्वारे देण्यात येत आहे.

वगळल्यानंतर पैसे जमा

योजना सुरू झाली तेव्हा 2 कोटी 30 लाख महिला होत्या, ई-केवायसीने 60 लाख महिला वगळल्या गेल्यात. या योजनेसाठी 2 कोटी 40 लाखांपेक्षा जास्त अर्ज आले. होते. विविध टप्प्यांत छाननीनंतर 2 कोटी 30 लाखांच्या आसपास आकडा गेला होता. पात्र आणि संपूर्ण तांत्रिक निकष (ई-केवायसी) पूर्ण केलेल्या 1 कोटी 38 लाख ते 1 कोटी 40 लाख महिलांनाच लाभ दिला जात आहे. उर्वरित सुमारे 92 लाख संशयास्पद किंवा अपूर्ण अर्ज प्रक्रियेतून बाजूला ठेवण्यात आले. हा आकडा महिला व बालविकास विभाग आणि ‘नारीशक्ती दूत’ ॲपच्या अधिकृत डेटा पडताळणीतून समोर आला. या साऱ्या प्रक्रियेनंतर आता जून महिन्यातील लाडक्या बहि‍णींचे पैसे त्यांच्या खात्यात जमा झालेत.

अजून महिला वगळणार का?

ज्या महिला पुढील टप्प्यात आपली बँक खाती आधारशी जोडणार नाहीत किंवा वार्षिक उत्पन्न मर्यादा (२.५ लाख रुपये) ओलांडतील. त्या कमी होऊ शकतात. वॉर्ड/ग्रामपंचायत समिती, जिल्हा समिती आणि शेवटी बँक खाते पडताळणी व थेट लाभ हस्तांतरणात महिलांची नावे टप्प्याटप्प्याने कमी होत गेली. नावे कमी होण्याच्या मुख्य कारणांमध्ये अपूर्ण ई-केवायसी, बँक खात्याशी आधार लिंक नसणे, एकाच महिलेने वेगवेगळ्या मोबाइल क्रमांकावरून केलेले दुहेरी अर्ज आणि कुटुंबाचे वार्षिक उत्पन्न अडीच लाखांपेक्षा जास्त असणे यांचा समावेश आहे. यापूर्वी पैसे दिलेल्या अपात्रांकडून वसुलीची प्रक्रिया सुरू आहे. सुमारे 14 हजार पुरुषांवर गुन्हे दाखल करून ही प्रक्रिया सुरू आहे. मात्र, महिलांकडून सरसकट वसुली न करता, केवळ त्यांचे पुढील हप्ते रोखण्यात आले आहेत. अधिकृत वसुलीचा अचूक आकडा अद्याप जाहीर झालेला नाही.

कोणत्या लाडक्या बहिणी पात्र?

कोणत्या लाडक्या बहिणी अपात्र?

कोणती कागदपत्रे लागतात?