2.78 कोटींच्या अपहारप्रकरणी गुन्हा दाखल:लाचलुचपत प्रतिबंधक विभागाने शासकीय अधिकारी व इतरांवर केली कारवाई

पुणे लाचलुचपत प्रतिबंधक विभागाने (एसीबी) शासकीय निधीच्या गैरव्यवहारातून २ कोटी ७८ लाख ४१ हजार ५४२ रुपयांच्या अपहारप्रकरणी गुन्हा दाखल केला आहे. या प्रकरणात शासकीय अधिकारी आणि अन्य व्यक्तींविरोधात कारवाई करण्यात आली असून, प्रकरणातील कागदपत्रे आणि आर्थिक व्यवहारांची सखोल तपासणी सुरू आहे. लाचलुचपत प्रतिबंधक विभागाने दिलेल्या माहितीनुसार, या प्रकरणाचा संदर्भ १९ सप्टेंबर २०२४ रोजीच्या आदेशाशी आणि त्यानंतरच्या कार्यवाहीशी संबंधित आहे. शासकीय विभागाशी संबंधित निधीच्या व्यवहारांमध्ये अनियमितता झाल्याचे निदर्शनास आल्यानंतर ही चौकशी करण्यात आली. तपासादरम्यान एकूण २ कोटी ७८ लाख ४१ हजार ५४२ रुपयांचा अपहार झाल्याचे समोर आले आहे. कागदपत्रांमध्ये या रकमेतील ८.४७ टक्के हिस्सा असल्याचा उल्लेखही आहे. शासकीय यंत्रणेकडून या रकमेबाबत करण्यात आलेल्या कार्यवाहीची माहिती सध्या तपासली जात आहे. या प्रकरणात भारतीय दंड संहितेतील विविध कलमांसह भ्रष्टाचार प्रतिबंधक कायद्यातील तरतुदींनुसार गुन्हा दाखल करण्यात आला आहे. लाचलुचपत प्रतिबंधक विभागाकडून पुढील तपास सुरू असून, गैरव्यवहारातील इतर संबंधितांची भूमिका आणि आर्थिक व्यवहारांची साखळी तपासली जात आहे. या तपासातून आणखी माहिती समोर येण्याची शक्यता आहे. डिजिटल ॲरेस्ट’ची बतावणी करुन महिलेची १२ लाखांची फसवणूक ‘डिजिटल ॲरेस्ट’ची बतावणी करुन फसवणुकीचे प्रकार वाढले आहेत. सायबर चोरट्यांनी एका ज्येष्ठ वकील महिलेची ७० लाखांची फसवणूक करण्याची घटना ताजी असतानाच आणखी एका ज्येष्ठ महिलेची १२ लाखांची फसवणूक करण्यात आल्याचा प्रकार उघडकीस आला. या प्रकरणी सायबर चोरट्यांविरुद्ध वानवडी पोलिसांनी गुन्हा दाखल केला. याबाबत एका ज्येष्ठ महिलेने फिर्याद दिली आहे. तक्रारदार ७५ वर्षीय ज्येष्ठ महिला वानवडी भागात राहायला आहेत. पोलिसांनी दिलेल्या माहितीनुसार, तक्रारदार महिलेच्या मोबाइल क्रमांकावर सायबर चोरट्यांनी संपर्क साधला. चोरट्यांनी महिलेकडे पोलीस असल्याची बतावणी चोरट्यांनी केली. आधारकार्डचा गैरवापर करण्यात आला आहे. ‘महिलेविरुद्ध अटक वाॅरंट बजाविण्यात येणार असून, या प्रकरणात डिजिटल ॲरेस्ट करण्यात येमार आहे’. अशी भीती चोरट्यांनी महिलेला दाखविली. त्यानंतर चोरट्यांनी महिला धमकावून तातडीने बँक खात्यात पैसे जमा करण्यास सांगितले. घाबरलेल्या महिलेने चोरट्यांच्या खात्यात १२ लाख रुपये जमा केले. फसवणूक झाल्याचे उघडकीस आल्यानंतर महिलेने पोलिसांकडे तक्रार दिली. पोलीस उपनिरीक्षक बगाडे तपास करत आहेत. ‘सायबर चोरट्यांकडून फसवणुकीचे प्रकार वाढले आहेत. चोरट्यांच्या बतावणीकडे दुर्लक्ष करावे’, असे आवाहन सायबर पोलिसांनी केले आहे.



Source link