मुंबई5 मिनिटांपूर्वी
- कॉपी लिंक
मोबाईल फोन, ॲक्सेसरीज आणि इलेक्ट्रॉनिक्स वस्तूंच्या किरकोळ विक्री क्षेत्रातील देशातील प्रमुख साखळी असलेल्या ‘SS Retail Limited’ या कंपनीचा 500 कोटी रुपयांचा आयपीओ (IPO) येत्या बुधवार, 16 सप्टेंबर 2026 पासून गुंतवणुकीसाठी खुला होत आहे. ही ऑफर शुक्रवार, 18 सप्टेंबर 2026 पर्यंत खुली राहील.
कंपनीने आपल्या या पब्लिक इश्यूसाठी ₹403 ते ₹424 प्रति शेअर असा किंमतपट्टा (Price Band) निश्चित केला असून, समभागांचे दर्शनी मूल्य ₹10 प्रति शेअर आहे. 500 कोटी रुपयांच्या या आयपीओमध्ये 360 कोटी रुपयांच्या नव्या समभागांचा (Fresh Issue) समावेश आहे.
5 राज्यांत 503 हून अधिक स्टोअर्सचे जाळे
‘SS Retail’ ही बहु-ब्रँड रिटेल कंपनी असून सध्या महाराष्ट्र, कर्नाटक, मध्य प्रदेश, गोवा आणि गुजरात या 5 राज्यांत कार्यरत आहे. कंपनीचे मुख्यतः टायर-2, टायर-3 आणि लहान शहरांमधील ग्राहकांवर विशेष लक्ष केंद्रित आहे. 31 मार्च 2026 पर्यंत कंपनीचे देशभरात 503 स्टोअर्स असून, त्यापैकी 458 स्टोअर्स एकट्या महाराष्ट्रात आहेत. ‘नॉलेज’ कंपनीच्या अहवालानुसार, पश्चिम भारतात सर्वाधिक मोबाईल विक्री जाळे असणारी ही अग्रगण्य कंपनी ठरली आहे, तर देशात तिचा 3रा क्रमांक लागतो.
कंपनी मुख्यतः ‘SS Mobile’, ‘Mobile Exchange Wala’ आणि ‘The Mobile SPACE’ या 3 ब्रँड्सच्या माध्यमातून आपला व्यवसाय चालवते.
दमदार आर्थिक कामगिरी (Financial Highlights)
- महसूल आणि नफा: FY24 ते FY26 दरम्यान कंपनीचा महसूल 39.6% चक्रवाढ वाढीसह (CAGR) ₹2,351 कोटींवर पोहोचला आहे, तर निव्वळ नफा 49.2% वार्षिक वाढीसह ₹59.3 कोटी झाला आहे.
- EBITDA: कंपनीचा ऑपरेटिंग नफा 48.8% वाढून ₹125.1 कोटी नोंदवला गेला.
- स्टोअरची वाढ: मार्च 2024 मधील 236 स्टोअर्सवरून मार्च 2026 पर्यंत ही संख्या 503 स्टोअर्सवर पोहोचली आहे (45.99% CAGR).
शेअर बाजारात सूचीकरणाचा प्रस्ताव
कंपनीचे इक्विटी शेअर्स बीएसई (BSE) आणि नॅशनल स्टॉक एक्स्चेंज (NSE) वर सूचीबद्ध (List) केले जाणार आहेत. या प्रस्तावासाठी NSE ची नामनिर्देशित शेअर बाजार (Designated Stock Exchange) म्हणून निवड करण्यात आली आहे.
