पुण्यात महाराष्ट्र लोकसेवा आयोगाच्या (MPSC) कारभाराविरोधात सुरू असलेल्या विद्यार्थ्यांच्या आंदोलनाला सोमवारी, 5 ऑक्टोबर रोजी मनसे अध्यक्ष राज ठाकरे यांनी भेट दिली. MPSC अध्यक्ष विवेक भीमनवार यांच्या राजीनाम्यासह विविध मागण्यांसाठी हे आंदोलन सुरू असून
.
आंदोलनस्थळी पोहोचल्यानंतर राज ठाकरे यांनी विद्यार्थ्यांशी संवाद साधला. यावेळी त्यांनी विद्यार्थ्यांच्या मागण्यांना पाठिंबा देत त्यांच्या संतापाचा उल्लेख केला. “मी तुमच्या रागात सहभागी होण्यासाठी आलो आहे. तुम्हाला आलेला राग हा तात्पुरता असू नये,” असे राज ठाकरे म्हणाले.
‘विद्यार्थ्यांचे पेपर फुटतात, आमच्याकडे मतं फुटतात’
राज ठाकरे यांनी MPSC परीक्षांमधील कथित पेपरफुटी आणि निवडणूक प्रक्रियेवरील आपल्या आधीच्या भूमिकांचा संदर्भ देत सरकारवर टीका केली. “विद्यार्थ्यांचे पेपर फुटतात, आमच्याकडे मतं फुटतात,” अशी टिप्पणी त्यांनी केली.
देशातील राजकीय परिस्थितीवरही त्यांनी भाष्य केले. “देशात एकाच बाजूने ‘मन की बात’ सुरू आहे. दुसऱ्यांचं ऐकायला तयार नाहीत,” असे ते म्हणाले.
‘सरकारी फसवणुकीमुळे आयुष्यातील उमेदीचा काळ जातो’
MPSCची तयारी करणाऱ्या विद्यार्थ्यांना अनेक वर्षे अभ्यास आणि तयारी करावी लागते. परीक्षा प्रक्रिया, पेपरफुटी किंवा भरती प्रक्रियेतील गोंधळामुळे विद्यार्थ्यांच्या वेळेचे आणि संधीचे नुकसान होते, असे सांगत राज ठाकरे यांनी विद्यार्थ्यांच्या अडचणी मांडल्या. “सरकारी फसवणुकीमुळे आयुष्यातील उमेदीचा काळ जातो. विद्यार्थी अभ्यास करतात आणि त्यांच्या नशिबी पेपरफुटी येते,” असे राज ठाकरे म्हणाले. अनेक पालक कर्ज काढून आपल्या मुलांना स्पर्धा परीक्षांच्या तयारीसाठी शहरात पाठवतात. त्यामुळे विद्यार्थ्यांच्या मागण्यांकडे गांभीर्याने पाहण्याची गरज असल्याचेही त्यांनी नमूद केले. “विद्यार्थ्यांची वेदना आम्हाला समजत आहे,” असे राज ठाकरे म्हणाले.
‘70 हजार पदभरती होणार नाही, हे लक्षात ठेवा’
राज ठाकरे यांनी राज्यातील शासकीय पदभरतीच्या मुद्द्यावरही भाष्य केले. “70 हजार पदभरती होणार नाही, हे लक्षात ठेवा,” असे राज ठाकरे यांनी विद्यार्थ्यांना संबोधित करताना सांगितले. सरकारकडून मोठ्या प्रमाणावर पदभरतीची घोषणा केली जात असली, तरी प्रत्यक्षात त्याची अंमलबजावणी होईल का, याबाबत त्यांनी प्रश्न उपस्थित केला.
‘जाती-पातीच्या वादातून आधी बाहेर पडा’
विद्यार्थ्यांनी आपल्या भवितव्याशी संबंधित प्रश्नांवर एकत्र येण्याचे आवाहन करत राज ठाकरे यांनी जाती-पातीच्या वादातून बाहेर पडण्याचे आवाहन केले. स्पर्धा परीक्षांची तयारी करणाऱ्या विद्यार्थ्यांसमोर परीक्षा प्रक्रिया, भरती आणि पारदर्शकतेचे प्रश्न महत्त्वाचे असल्याचे त्यांनी अधोरेखित केले. दरम्यान, पुण्यातील MPSC आंदोलनामध्ये अध्यक्षांच्या राजीनाम्याबरोबरच परीक्षा पद्धती आणि भरती प्रक्रियेवरून विद्यार्थ्यांमध्येही मतभेद असल्याचे समोर आले आहे. शहरात आंदोलनाची वेगवेगळी ठिकाणे निर्माण झाली आहेत.
या पार्श्वभूमीवर राज ठाकरे यांच्या आंदोलनस्थळी भेटीमुळे MPSC विद्यार्थ्यांच्या आंदोलनाला आणखी राजकीय पाठिंबा मिळाला आहे. यापूर्वी रोहित पवार, शरद पवार तसेच विविध राजकीय नेत्यांनी आंदोलनाची भेट घेऊन विद्यार्थ्यांच्या मागण्यांना पाठिंबा दर्शवला आहे.
हेही वाचा…
एकनाथ शिंदेंनी घेतली पंतप्रधान नरेंद्र मोदींची भेट:तासभर चर्चा, दुष्काळावरही झाली चर्चा
उपमुख्यमंत्री एकनाथ शिंदे हे आज दिल्ली दौऱ्यावर असून त्यांनी पंतप्रधान नरेंद्र मोदी यांची भेट घेतली. पंतप्रधान मोदी आणि उपमुख्यमंत्री शिंदे यांच्यामध्ये सुमारे तासभर चर्चा झाली. आगामी विधान परिषद निवडणुका, राज्यातील दुष्काळी परिस्थिती आणि शेतकऱ्यांच्या प्रश्नांच्या पार्श्वभूमीवर ही भेट महत्त्वाची मानली जात आहे. तसेच संभाव्य मंत्रिमंडळ विस्तारासंदर्भातही या भेटीत चर्चा झाली असण्याची शक्यता व्यक्त केली जात होती. सविस्तर वाचा…
