It is necessary to instill fear in those who commit atrocities against women: Court

सर्वोच्च न्यायालयाने दिल्ली-एनसीआरमधील महिलांवरील गुन्ह्यांबाबत म्हटले आहे की, असे गुन्हे करणाऱ्यांच्या मनात भीती निर्माण करणे आवश्यक आहे. न्यायमूर्ती जे. बी. पारडीवाला आणि न्यायमूर्ती के. विनोद चंद्रन यांच्या खंडपीठाने म्हटले, ‘प्रत्येक महिलेला रात्री ११ वाजताही रस्त्यावरून चालताना किंवा मेट्रोने प्रवास करताना सुरक्षित वाटले पाहिजे हे सुनिश्चित करावे लागेल.’

खंडपीठाने म्हटले, ‘दिल्लीत विशेषत: काही संवेदनशील भागात महिलांमध्ये असुरक्षिततेची भावना आहे. गुन्हेगारी रोखणे महत्त्वाचे आहे, गुन्ह्यानंतर तुम्ही काय करता हे नाही.’ न्यायालयाने मेट्रो, बस स्टँड आणि स्टेशनसारख्या ठिकाणी गस्त वाढवण्यावर आणि महिलांची सुरक्षा सुनिश्चित करण्यावर भर दिला. सॉलिसिटर जनरल तुषार मेहता म्हणाले की, सरकारही सहमत असून संबंधित विभागांशी चर्चा करून तयार केलेले सल्ले न्यायालयात दाखल करेल.