![]()
केंद्रीय गृहमंत्री अमित शहा यांच्या हस्ते आज पुण्यात दिवंगत नेते अजित दादा पवार यांच्या अर्धाकृती पुतळ्याचे अनावरण करण्यात आले आहे. हा भव्य सोहळा पुणे जिल्हा परिषदेच्या पहिल्या मजल्यावर पार पडला. या निमित्ताने राष्ट्रवादी काँग्रेसने पुण्यात मोठे शक्तीप्रदर्शन केल्याचे पाहायला मिळाले. अमित शाहांच्या हस्ते अनावरण केंद्रीय गृहमंत्री अमित शहा हे सध्या दोन दिवसांच्या पुणे दौऱ्यावर असून, आज त्यांच्या दौऱ्याचा दुसरा दिवस होता. त्यांच्याच हस्ते दिवंगत अजित पवारांच्या या अर्धाकृती पुतळ्याचे अनावरण करण्यात आले. या सोहळ्यासाठी राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासह राष्ट्रवादी काँग्रेसचे अनेक महत्त्वाचे नेते, मंत्री आणि पदाधिकारी मोठ्या संख्येने उपस्थित होते. शरद पवारांची गैरहजेरी, सुप्रिया सुळेंची उपस्थिती या अनावरण सोहळ्याच्या निमंत्रण पत्रिकेवर राष्ट्रवादी काँग्रेसचे (शरद पवार गट) अध्यक्ष शरद पवार यांचे नाव प्रमुख पाहुणे म्हणून छापण्यात आले होते. मात्र, असे असूनही शरद पवार या कार्यक्रमाला उपस्थित राहिले नाहीत. त्यांच्याऐवजी पक्षाच्या कार्याध्यक्षा आणि खासदार सुप्रिया सुळे यांनी या कार्यक्रमाला हजेरी लावली आणि दिवंगत अजितदादांच्या स्मृतींना अभिवादन केले. प्रवेशद्वाराला अजितदादांचे नाव आणि राष्ट्रवादीचे शक्तीप्रदर्शन पुतळा अनावरणासोबतच पुणे जिल्हा परिषदेच्या मुख्य प्रवेशद्वारालाही दिवंगत अजित दादा पवार यांचे नाव देण्यात आले आहे. या संपूर्ण सोहळ्याच्या माध्यमातून राष्ट्रवादी काँग्रेसने आपले भक्कम शक्तीप्रदर्शन केल्याचे मानले जात आहे. पुतळा अनावरणाच्या मुख्य कार्यक्रमानंतर पुण्यातील नेहरू मेमोरियल हॉल येथे एका छोट्या सभेचेही आयोजन करण्यात आले होते, जिथे उपस्थित नेत्यांनी अजितदादांच्या कार्याला आणि आठवणींना उजाळा दिला. कडक पोलीस बंदोबस्त केंद्रीय गृहमंत्री अमित शहा यांची उपस्थिती, राज्याचे मुख्यमंत्री-उपमुख्यमंत्री आणि इतर व्हीआयपी नेत्यांची मांदियाळी पाहता, पुणे जिल्हा परिषद परिसर आणि नेहरू मेमोरियल हॉल परिसरात अत्यंत कडक पोलीस बंदोबस्त तैनात करण्यात आला होता. सुरक्षेच्या कारणास्तव आजूबाजूच्या मार्गांवरही चोख व्यवस्था ठेवण्यात आली होती.
Source link
पुण्यात अजितदादांच्या पुतळ्याचे अमित शाहांच्या हस्ते अनावरण:मुख्यमंत्री, उपमुख्यमंत्र्यांसह दिग्गज नेत्यांची उपस्थिती, सुप्रिया सुळेंची उपस्थिती