डान्स क्लासला जाण्यावरून झालेल्या घरगुती वादाचे रुपांतर इतके टोकाला गेले की, एका महिलेचा जीव गेला. नागपुरात 38 वर्षीय यामिनी कृष्ण लाल यादव यांचा पतीने केलेल्या मारहाणीत मृत्यू झाल्याचा आरोप आहे. याप्रकरणी पोलिसांनी तिचा पती कृष्ण लाल यादव (41) याला
.
पोलिसांच्या माहितीनुसार, यामिनी आणि कृष्ण लाल यादव हे पती-पत्नी असून त्यांना दोन लहान मुले आहेत. यामिनीला आपल्या सोसायटीत सुरू असलेल्या डान्स क्लासला जायचे होते. मात्र त्याच वेळी पती कामावरून घरी आला आणि त्याने स्वतःसह मुलांसाठी जेवण बनवण्यास सांगितले. यामिनीने डान्स क्लासला जाण्याचे ठरवल्याने तिने स्वयंपाक करण्यास नकार दिला. यावरून दोघांमध्ये वाद सुरू झाला.
मद्यधुंद अवस्थेत पतीने मारहाण केल्याचा आरोप
वाद वाढत गेला आणि त्याचे रुपांतर मारहाणीत झाले. पोलिसांच्या माहितीनुसार, कृष्ण लाल त्यावेळी मद्यधुंद अवस्थेत होता. त्याने आपल्या दोन मुलांसमोरच यामिनीला मारहाण केली. तिच्या मानेवर तसेच पोटावर लाथा मारल्याचे तपासात समोर आले आहे. मारहाणीनंतर यामिनीला मान आणि पोटात मोठ्या प्रमाणात वेदना होऊ लागल्या. प्रकृती बिघडत असल्याने तिने पतीकडे वेदनाशामक औषध आणण्यास सांगितले. त्यानंतर कृष्ण लाल औषध घेण्यासाठी बाहेर गेला. मात्र जवळील मेडिकलचे दुकान बंद असल्याने तो औषध न घेताच घरी परतला.
रुग्णालयात उपचारादरम्यान मृत्यू
दरम्यान, यामिनीची प्रकृती आणखी गंभीर होत गेली. तिच्या पोटाला सूज आली आणि तिला तीव्र वेदना होत होत्या. परिस्थिती गंभीर झाल्यानंतर तिला रुग्णालयात दाखल करण्यात आले. डॉक्टरांनी उपचार सुरू केले; मात्र गंभीर अंतर्गत दुखापतींमुळे उपचारादरम्यान तिचा मृत्यू झाला. सुरुवातीला या घटनेची नोंद अपघाती मृत्यू म्हणून करण्यात आली होती. त्यानंतर महिलेचा मृतदेह शवविच्छेदनासाठी पाठवण्यात आला. शवविच्छेदन अहवाल आल्यानंतर मात्र या प्रकरणाला वेगळे वळण मिळाले.
शवविच्छेदन अहवालाने मारहाणीचे धक्कादायक सत्य समोर
शवविच्छेदन अहवालात यामिनीच्या शरीरावर गंभीर दुखापती आढळून आल्या. तिच्या मानेचे हाड मोडल्याचे तसेच पोटातील आतड्यांना गंभीर दुखापत झाल्याचे अहवालातून समोर आले. या दुखापती अपघातामुळे झालेल्या नसून मारहाणीशी संबंधित असल्याचा संशय पोलिसांना आला. यानंतर पोलिसांनी कृष्ण लाल यादवची कसून चौकशी केली. तपासादरम्यान मिळालेल्या माहिती आणि शवविच्छेदन अहवालाच्या आधारे पोलिसांनी त्याला अटक केली. त्याच्याविरुद्ध हत्येचा गुन्हा दाखल करण्यात आला असून या प्रकरणाचा पुढील तपास पोलिसांकडून सुरू आहे.
दोन मुलांसमोर घडलेल्या घटनेने हळहळ
या संपूर्ण घटनेतील सर्वात धक्कादायक बाब म्हणजे ही मारहाण कथितपणे दाम्पत्याच्या दोन लहान मुलांसमोर झाली. घरातील किरकोळ वाद, मद्यपान आणि त्यातून झालेला हिंसाचार एका कुटुंबासाठी आयुष्यभराची जखम ठरला आहे.
या घटनेमुळे घरगुती वाद किती गंभीर रुप घेऊ शकतात, याचा पुन्हा एकदा प्रत्यय आला आहे. पती-पत्नीमध्ये मतभेद होणे स्वाभाविक असले तरी कोणत्याही कारणावरून मारहाण करणे किंवा हिंसाचार करणे हा समस्येचा मार्ग नाही. विशेषतः मद्यपानानंतर वाढणारे वाद वेळीच थांबवणे आणि गरज पडल्यास समुपदेशन किंवा मदत घेणे आवश्यक आहे.
हेही वाचा..
नाशिकच्या रामकुंडात मोठी दुर्घटना!:गोदावरीत स्नान करताना मुंबईची 5 बुडाली; चौघांना वाचवले, एकाची प्रकृती चिंताजनक
गोदावरी नदीतील पाण्याची खोली आणि प्रवाहाचा अंदाज न आल्याने रामकुंड परिसरात शनिवारी सकाळी मोठी दुर्घटना घडली. मुंबईहून धार्मिक पर्यटनासाठी आलेल्या सुमारे 40 जणांच्या ग्रुपमधील पाच मुले गोदावरी नदीत स्नान करत असताना अचानक पाण्यात बुडाली . जीवरक्षक आणि अग्निशमन दलाच्या जवानांनी तातडीने बचावकार्य करत चौघांना पाण्यातून बाहेर काढले. मात्र, एका सुमारे 12 वर्षीय मुलाला बराच वेळ पाण्यात राहावे लागल्याने त्याची प्रकृती गंभीर असल्याची माहिती समोर आली आहे. सविस्तर वाचा..
