11 मिनिटांपूर्वी
- कॉपी लिंक
UGC-NET च्या इंग्रजी, वाणिज्य आणि समाजशास्त्र विषयांच्या परीक्षा रद्द करण्यात आल्या आहेत. नॅशनल टेस्टिंग एजन्सी (NTA) ने रविवारी मान्य केले की, या विषयांच्या प्रश्नपत्रिकेत स्पेलिंग आणि प्रिंटिंगच्या चुका होत्या.
NTA ने सांगितले की, प्रश्नपत्रिकांमध्ये यापूर्वी विचारलेले प्रश्न पुन्हा विचारले गेले होते. उत्तरतालिका (आन्सर-की) जारी केल्यानंतर विद्यार्थ्यांनी त्रुटींचा उल्लेख केला होता. केवळ प्रश्न काढून या दुरुस्त्या करता आल्या नसत्या.
NTA ने तिन्ही विषयांच्या पुन्हा होणाऱ्या परीक्षेची तारीख जाहीर केली आहे. इंग्रजी, वाणिज्य आणि समाजशास्त्र विषयांच्या परीक्षा 9 आणि 10 सप्टेंबर रोजी होतील.
पुन्हा होणाऱ्या परीक्षेसाठी (री-एक्झाम) शुल्क आकारले जाणार नाही
- NTA ने सांगितले की, इंग्रजीची परीक्षा 9 सप्टेंबर रोजी सकाळी 9 ते दुपारी 12 वाजेपर्यंत असेल. कॉमर्सचा पेपर त्याच दिवशी दुपारी 3 ते सायंकाळी 6 वाजेपर्यंत घेण्यात येईल.
- समाजशास्त्राची परीक्षा 10 सप्टेंबर रोजी सकाळी 9 ते दुपारी 12 वाजेपर्यंत असेल. पुन्हा परीक्षेसाठी विद्यार्थ्यांकडून कोणतेही नवीन शुल्क आकारले जाणार नाही.
आजच जारी केली होती उत्तरतालिका
हा निर्णय NTA कडून UGC-NET च्या 87 पैकी 84 विषयांची तात्पुरती उत्तरतालिका जारी केल्यानंतर काही तासांनी घेण्यात आला. जूनमध्ये झालेल्या परीक्षेच्या सुमारे सात आठवड्यांनंतरही या तीन विषयांची उत्तरतालिका जारी करण्यात आली नव्हती. NTA ने सांगितले की, अनेक तक्रारी मिळाल्यानंतर एक समिती स्थापन करण्यात आली होती.
बातमी अपडेट होत आहे…
