सांगली जिल्हा मध्यवर्ती बँकेकडून संचालकांना चुकीच्या पद्धतीने देण्यात आलेले कर्ज, नियमबाह्य कर्जमाफी आणि एकंदर गैरकारभारावर ठपका ठेवत रिझर्व्ह बँक ऑफ इंडियाने बँकेला ‘कारणे दाखवा’ नोटीस बजावली आहे. भाजप आमदार गोपीचंद पडळकर यांनी दिलेल्या माहितीनुसार, आरबीआयकडून बँकिंग नियमन कायद्याच्या कलम 35 ‘अ’ आणि 47 ‘अ’ अन्वये ही कठोर कारवाई करण्यात आली असून, या नोटीसमुळे सहकार वर्तुळात मोठी खळबळ उडाली आहे. सांगली जिल्हा मध्यवर्ती बँकेला रिझर्व्ह बँकेकडून नोटीस बजावल्यानंतर भाजप आमदार गोपीचंद पडळकर यांनी आक्रमक होत जोरदार हल्लाबोल केला आहे. या कारवाईचा संदर्भ देत त्यांनी आमदार जयंत पाटील यांच्यावर थेट निशाणा साधला असून, जयंत पाटील यांच्याच नेतृत्वाखाली बँकेचा संपूर्ण कारभार अत्यंत चुकीच्या पद्धतीने आणि मनमानीपणे सुरू असल्याचा गंभीर आरोप पडळकर यांनी केला आहे. गोपीचंद पडळकर म्हणाले, जिल्हा मध्यवर्ती बँकेवर प्रशासक आणला पाहिजे, त्याशिवाय आम्ही गप्प बसणार नाही. सध्या सुरू असलेली नोकर भरतती बोगसगिरी पद्धतीने सुरू आहे. आरबीआयची नोटीस आणि नोकर भरतीचा प्रकार मुख्यमंत्र्यांच्या निदर्शनास आणून देण्यात आला आहे. लवकरच याचे परिणाम दिसतील, असेही पडळकर यांनी म्हटले आहे. सांगली जिल्हा मध्यवर्ती बँकेकडून संचालकांना चुकीच्या पद्धतीने वाटप करण्यात आलेले कर्ज, नियमबाह्य कर्जमाफी आणि एकंदर गैरकारभारावर ठपका ठेवत रिझर्व्ह बँक ऑफ इंडियाने बँकेला ‘कारणे दाखवा’ नोटीस बजावली आहे. आरबीआयच्या या कठोर कारवाईमुळे विद्यमान संचालक मंडळाच्या अडचणीत मोठी वाढ झाली असून, यावरून आमदार गोपीचंद पडळकर यांनी संचालक मंडळावर जोरदार हल्लाबोल केला आहे. तसेच, बँकेच्या या मनमानी कारभाराला जबाबदार धरून तिथे तातडीने प्रशासकाची नियुक्ती करण्यात यावी, अशी आक्रमक मागणीही पडळकर यांनी केली आहे.
Source link
RBI ची सांगली जिल्हा मध्यवर्ती बँकेला नोटीस:गैरकारभाराचा ठपका; आमदार गोपीचंद पडळकरांचा जयंत पाटलांवर निशाणा
