माहेश्वरी भक्तनिवास येथे चातुर्मास अनुष्ठान महोत्सवाचे आयोजन करण्यात आले आहे. हा महोत्सव २९ जुलैपासून २६ सप्टेंबरपर्यंत होणार आहे. चिन्मयमूर्ती संस्थान उमरखेडचे मठाधिपती प.पू. माधवानंद गुरू वामनानंद महाराज यांच्या उपस्थितीत कार्यक्रम होणार आहे. उत्सव समितीचे स्वागताध्यक्ष आमदार विलास भुमरे आहेत. अध्यक्ष दत्तागुरू पोहेकर आहेत. उपाध्यक्ष चंद्रशेखर पाटील, देविदास कुलकर्णी आहेत. सचिव महेश जोशी आहेत. सहसचिव सुदेश कुलकर्णी आहेत. कोषाध्यक्ष अनिल सराफ आहेत. सहकोषाध्यक्ष सुनील कुलकर्णी, योगेश चक्रे आहेत. कार्याध्यक्ष प्रमोदगुरू जोशी आहेत. या सर्वांच्या उपस्थितीत मंगळवारी भव्य शोभायात्रा काढण्यात आली. शोभायात्रेला माहेश्वरी भक्तनिवास येथून सुरुवात झाली. खंडोबा चौक, डॉ. बाबासाहेब आंबेडकर चौक, महाराणा प्रताप चौक, शिवाजी महाराज चौक, भाजी मार्केट, सुतारपार गल्ली, गावातील नाथ मंदिर, गागाभट्ट चौक, बाहेरील नाथ मंदिरमार्गे शोभायात्रा पुन्हा माहेश्वरी भक्तनिवास येथे पोहोचली. महिलांनी गुलाबी रंगाच्या साड्या परिधान केल्या. पुरुषांनी पांढऱ्या रंगाचे कपडे घातले. ही वेशभूषा नागरिकांचे लक्ष वेधून घेत होती. चातुर्मास अनुष्ठान महोत्सव हा अमृत योग असल्याचे आयोजकांनी सांगितले. दोन महिने चालणाऱ्या या महोत्सवात नित्य विश्वंभर, महारुद्र अभिषेक, ज्योतिर्लिंग दर्शन, आरती, गुरू महाराज पाद्यपूजन, दर्शन, महाप्रसाद, प्रदोष पूजा, श्रीमद्भागवत कथा होणार आहे.
Source link
चातुर्मास महोत्सवानिमित्त पैठणला भव्य शोभायात्रा:माधवानंद गुरू वामनानंद महाराज यांची उपस्थिती
