एका १४ वर्ष सात महिने वय असलेल्या अल्पवयीन मुलासोबत अनैसर्गिक कृत्य करण्यात आले. या कृत्याचा व्हिडीओसुद्धा काढण्यात आला. याबाबत कुणाला काहीही सांगितल्यास विहीरीत टाकण्याची धमकीसुध्दा पिडीत मुलाला दिली. ही धक्कादायक घटना बुधवारी (दि. १०) मोर्शी ठाण्याच्या हद्दीतील एका गावातून समोर आली. या प्रकरणी पीडित मुलाच्या तक्रारीवरून दोघांविरुद्ध गुन्हा दाखल करण्यात आला. त्यामध्ये एका विधिसंघर्षित बालकाचा समावेश असून दुसऱ्याला पोलिसांनी तत्काळ अटक केली. कुंदन शंकर सायगन (२८) व एक अल्पवयीन असे गुन्हा दाखल करण्यात आलेल्याचे नाव आहे. कुंदन व विधिसंघर्षित बालकाने पीडित मुलासोबत दोनवेळा अनैसर्गिक कृत्य केले. विधिसंघर्षित बालकाने त्याच्या मोबाइलद्वारे या घाणेरड्या कृत्याचा व्हिडीओसुद्धा काढला. मात्र प्रकरण समोर आल्यानंतर पीडित बालकाने त्याच्या वडिलांसह मोर्शी ठाणे गाठून तक्रार दाखल केली. तक्रारीवरून पोलिसांनी कुंदन सायगन व विधिसंघर्षित बालकाविरुध्द गुन्हा दाखल केला आहे. व्हिडीओ गावातील लोकांनी पाहीला अन्… या प्रकरणात गुन्हा दाखल झालेल्या विधिसंघर्षग्रस्त बालकाने त्याच्या मोबाइलद्वारे काढलेला तो आक्षेपार्ह व्हिडीओ गावातील काहीं लोकांच्या पाहण्यात आला. याबाबत पीडित मुलाच्या चुलत भावाला कळल्यावर त्याने याबाबत त्याला विचारणा केली. त्यावर त्याने आपबिती त्याच्याकडे कथन केली आणि अंत्यत धक्कादायक प्रकरण समोर आले.
Source link
धक्कादायक घटना:अल्पवयीन मुलावर अनैसर्गिक कृत्य करुन केला व्हिडीओ; गुन्हा दाखल
