स्वातंत्र्यदिनानिमित्त पुण्यात आयोजित ध्वजारोहण कार्यक्रमातील आसन व्यवस्थेवरून शिवसेना नेत्या नीलम गोऱ्हे यांनी नाराजी व्यक्त केली. लोकप्रतिनिधींच्या आसन व्यवस्थेबाबत प्रशासनाकडून योग्य नियोजन झाले नसल्याचे त्यांनी म्हटले. अधिकाऱ्यांसोबत त्यांच्या पत्नी पहिल्या रांगेत बसलेल्या असताना लोकप्रतिनिधींसाठी योग्य व्यवस्था करण्यात आली नसल्याने हा मुद्दा चर्चेत आला. ‘आमदारांची बसण्याची व्यवस्था नीट नव्हती’ या प्रकाराबाबत बोलताना नीलम गोऱ्हे यांनी मान-अपमानाचा प्रश्न नसल्याचे स्पष्ट केले. मात्र, आमदारांसाठी बसण्याची व्यवस्था योग्य पद्धतीने करण्यात आली नव्हती आणि त्यांना दुसऱ्या रांगेत बसवण्यात आले होते, असे त्यांनी सांगितले. स्वातंत्र्यसैनिकांना पहिल्या रांगेत स्थान देण्याबाबत कोणतीही हरकत नसल्याचेही त्यांनी स्पष्ट केले. ‘महापौरांसाठीही खुर्ची व्यवस्थित नव्हती’ कार्यक्रमातील व्यवस्थेबाबत बोलताना गोऱ्हे यांनी महापौरांसाठीही पहिल्या रांगेत व्यवस्थित खुर्ची ठेवण्यात आली नसल्याचे निदर्शनास आणले. कार्यक्रमाला अपेक्षेपेक्षा जास्त नागरिक उपस्थित राहिले असतील, त्यामुळे काही प्रमाणात नियोजनात अडचणी आल्या असण्याची शक्यता आहे, असेही त्यांनी म्हटले. प्रत्येक बाबतीत प्रशासनाला दोष देणार नसल्याचे त्यांनी स्पष्ट केले. दरम्यान, प्रशासनाकडून अनेकदा ‘आम्हाला वरून सांगितले जाते आणि त्यानुसार आम्ही व्यवस्था करतो’ असे उत्तर दिले जाते, अशी नाराजीही नीलम गोऱ्हे यांनी व्यक्त केली. त्यामुळे स्वातंत्र्यदिनाच्या कार्यक्रमातील आसन व्यवस्थेवरून लोकप्रतिनिधी आणि प्रशासन यांच्यातील समन्वयाचा मुद्दा पुन्हा चर्चेत आला आहे. हेही वाचा.. ‘स्वातंत्र्यदिनी तरी खोटं बोलू नका’:पंतप्रधान मोदींच्या भाषणावर संजय राऊतांचा घणाघात, मुख्यमंत्री फडणवीसांनाही दिला इशारा स्वातंत्र्यदिनानिमित्त पंतप्रधान नरेंद्र मोदी यांनी लाल किल्ल्यावरून केलेल्या भाषणातील विविध मुद्द्यांवर शिवसेना (उद्धव बाळासाहेब ठाकरे) नेते संजय राऊत यांनी प्रतिक्रिया दिली. मोदींनी युवाशक्तीबाबत व्यक्त केलेल्या भूमिकेचे स्वागत करतानाच, देशाच्या सत्तेत तरुणांना अधिक संधी देण्याची वेळ आली असल्याचे राऊत म्हणाले. तसेच कोरोना काळातील विरोधकांच्या भूमिकेबाबत मोदींनी केलेल्या वक्तव्यावरही त्यांनी टीका केली. शिवसेना पक्षचिन्हाबाबत सर्वोच्च न्यायालयाच्या निकालावर भाष्य करणाऱ्या देवेंद्र फडणवीस यांनाही त्यांनी कडक शब्दांत इशारा दिला आहे. सविस्तर वाचा मोदी म्हणाले- देशाला बौद्धिक नक्षलवादापासून वाचवा:तरुणांची दिशाभूल करण्याचा प्रयत्न; महिला आरक्षणाचे राजकारण करू नये पंतप्रधान नरेंद्र मोदी यांनी ८० व्या स्वातंत्र्यदिनानिमित्त लाल किल्ल्यावरून ७६ मिनिटांचे भाषण केले. पंतप्रधानांनी नमूद केले की, सशस्त्र नक्षलवादी आता कालबाह्य झाले असले, तरी ‘वैचारिक नक्षलवादी’ संधीच्या शोधात आहेत. ते समाजाला चुकीच्या मार्गावर नेण्यासाठी विविध कारवाया करत आहेत. अशा व्यक्ती हिंसाचार आणि अराजकतेचा मार्ग स्वीकारत आहेत. या वैचारिक नक्षलवाद्यांची ओळख पटवून त्यांना वेगळे पाडले पाहिजे. देशातील तरुणांना विकसित राष्ट्र घडवण्याच्या कार्यात सहभागी करून घेतले पाहिजे. सविस्तर वाचा स्वातंत्र्यदिनाचा उत्साह: मुख्यमंत्री फडणवीसांनी मंत्रालयात, एकनाथ शिंदेंनी ठाण्यात तर सुनेत्रा पवारांनी बीडमध्ये केले ध्वजारोहण देशभरात आज ८०वा स्वातंत्र्यदिन उत्साहात साजरा केला जात आहे. महाराष्ट्रातही विविध ठिकाणी ध्वजारोहणाचे कार्यक्रम पार पडले. मंत्रालयात मुख्यमंत्री देवेंद्र फडणवीस यांच्या हस्ते ध्वजारोहण करण्यात आले. यावेळी त्यांनी राज्यातील नागरिकांना स्वातंत्र्यदिनाच्या शुभेच्छा देत संबोधित केले. आपल्या भाषणातून त्यांनी महाराष्ट्रातील विविध विकासकामांचा आढावा घेतला. सविस्तर वाचा
Source link
ध्वजारोहणातील आसन व्यवस्थेवरून नीलम गोऱ्हेंची नाराजी!:म्हणाल्या- महापौरांना बसायला धड खुर्ची नाही, आमदारांनाही डावलले; प्रशासनावर टीकास्त्र
