पाचोड येथे दुकान फोडून सुमारे आठ‎लाख रुपयांचा मुद्देमाल पळवला‎:श्वानपथक, फिंगरप्रिंट तज्ज्ञांकडून तपास; पाचोड पोलिसांत गुन्हा दाखल

.

धुळे-सोलापूर राष्ट्रीय महामार्गावर हॉटेल शिवराजसमोर अंबिका मार्बल अँड टेक्स्टाइल हे दुकान आहे. दुकानाचे मालक हेमंत शांताराम सूर्यवंशी हे शनिवार (दि. २५) रोजी सायंकाळी सहकुटुंब नातेवाइकांकडे गेले होते. ही संधी साधून अज्ञात चोरट्याने तिसऱ्या मजल्यावरील सुमारे दोन बाय अडीच फुटांच्या खिडकीतून घरात प्रवेश केला.

कपाटात ठेवलेला नेकलेस, अंगठी, कानातील दागिने, गळ्यातील चेन आणि २५ हजार रुपयांची रोख रक्कम असा ऐवज चोरट्याने लंपास केला. सूर्यवंशी हे सोमवारी सकाळी आठ वाजता घरी परतल्यानंतर चोरीचा प्रकार त्यांच्या निदर्शनास आला.