Headlines

पुण्यात लेवा पाटीदार वधू-वर परिचय मेळावा झाला:डॉ. अभिजीत चौधरी म्हणाले, डिजिटल युगातही प्रत्यक्ष भेटींचे महत्त्व कायम




पुण्यातील गोविंदा गार्डन मंगल कार्यालयात शनिवारी (दि. २१) लेवा पाटीदार वधू-वर परिचय मेळावा झाला. डिजिटल युगातही प्रत्यक्ष भेटींचे महत्त्व कायम असल्याचे पुणे महानगर प्रदेश विकास प्राधिकरणाचे आयुक्त डॉ. अभिजीत चौधरी यांनी सांगितले. मेळाव्याला महाराष्ट्राच्या विविध भागांतून तरुण-तरुणी उपस्थित होते. भ्रातृमंडळ वारजे, पुणे यांनी सामाजिक बांधिलकीतून बाणेर येथील गोविंदा गार्डन मंगल कार्यालयात मेळाव्याचे आयोजन केले होते. रावेरचे आमदार अमोल जावळे प्रमुख पाहुणे म्हणून उपस्थित होते. अध्यक्ष अनिल बोंडे, उपाध्यक्ष डॉ. संजय झोपे आणि सचिव नरेंद्र महाजन मंचावर होते. चंद्रकांत नेमाडे आणि कार्यकर्त्यांनी मेळाव्याचे संयोजन केले. मेळाव्यात वधू-वर सूचीचे प्रकाशन करण्यात आले. या सूचीमध्ये १,२५० युवक आणि ८५० युवतींची माहिती प्रसिद्ध करण्यात आली आहे. संस्थेचे अध्यक्ष अनिल बोंडे यांनी प्रास्ताविकात सांगितले की, भ्रातृमंडळ वारजे, पुणे समाजाच्या कल्याण आणि विकासासाठी काम करते. संस्था गेल्या ३६ वर्षांपासून विविध उपक्रम राबवत आहे. गेल्या २५ वर्षांपासून वधू-वर परिचय मेळावा घेतला जात आहे. डॉ. चौधरी म्हणाले, समाजातील लोक नोकरी आणि व्यवसायासाठी महाराष्ट्रासह देश-विदेशात विखुरले आहेत. अशा मेळाव्यांमुळे एकमेकांना भेटणे, समजून घेणे आणि संवाद साधणे शक्य होते. पालकांनीही या उपक्रमात सहभागी व्हावे, असे आवाहन त्यांनी केले. अमोल जावळे यांनी मंडळाच्या उपक्रमाचे कौतुक केले. मेळाव्यामुळे एकमेकांची माहिती घेणे सोपे होईल, असे ते म्हणाले. माहिती ऐकल्यानंतर किंवा वाचल्यानंतर विचारपूर्वक निर्णय घ्यावा, असेही त्यांनी सांगितले. मंडळाच्या भविष्यातील उपक्रमांना सर्वतोपरी सहकार्य करण्याची ग्वाही त्यांनी दिली.



Source link

Leave a Reply

Your email address will not be published. Required fields are marked *