‘नीट’चा केमिस्ट्रीचा पेपर सेटर प्रा. पी. व्ही. कुलकर्णी व ‘आरसीसी’चा संचालक प्रा शिवराज मोटेगावकर यांनी ‘नीट’ परीक्षेचा पेपर १० ते १२ लाख रुपयांपर्यंत नीटची तयारी करणाऱ्या विद्यार्थ्यांच्या पालकांना विक्री केला आहे. पेपर विकत घेण्यासाठी अनेक पालकांनी या दोघांना ऑनलाइन रक्कम पाठवल्याची माहिती सूत्रांनी दिली. प्रा.कुलकर्णी व प्रा. मोटेगावकर यांनी ज्यांना पेपर विकले त्या पालकांनी पुढे आपल्या सर्कलमधील अन्य लोकांना २ ते १० लाख रुपयांपर्यंत ते विक्री केल्याचीही माहिती मिळाली. शहरातील काही डॉक्टरांनी आपल्या मित्रांच्या पाल्यांना हे पेपर पुरवले. प्रा. पी. व्ही. कुलकर्णी याने त्याच्याकडील प्रश्न पुण्यात स्पेशल क्लास घेऊन मुलांना पुरवले. त्याने असेच स्पेशल क्लासही लातुरात घेतले होते. मोटेगावकरच्या मोबाइलमध्ये हा पेपर नीट परिक्षेच्या आधीच आल्यानंतर, प्रा.कुलकर्णी आणि मोटेगावकर यांनी मिळून हे पेपर विकले असल्याचा सीबीआयला संशय आहे. त्यामुळे पथक लातुरात ठाण मांडून आहे. पाच डॉक्टरांची चौकशी, चौघांच्या मुलांनी दिली नीट सीबीआयने लातुरातील ५ डॉक्टरांची चौकशी केली आहे. त्यातील पाचही डॉक्टरांचे शहरात टोलेजंग हॉस्पिटल्स आहेत. यातील चौघांच्या मुलांनी नीट परीक्षा दिलेली आहे. आपला व्यवसाय पुढे चालवण्यासाठी मुलांना डॉक्टर करण्याचे त्यांचे स्वप्न होते. याच हव्यासातून पेपर खरेदीत त्यांचा समावेश असल्याचा संशय सीबीआयला आहे. त्या दृष्टीने तपास सुरू आहे. संशयित मुलांचे पेपर, नोट्सची पडताळणी ज्या पालकांनी पेपर खरेदी केल्याचा संशय आहे त्या मुलांची चौकशी सीबीआयच्या पथकाकडून सुरू आहे. या मुलांनी नीटची परीक्षा दिल्यानंतर सोबत आणलेली प्रश्नपत्रिका जप्त करण्यात येत आहे. त्यांनी क्लासमध्ये लिहून घेतलेले प्रश्न आणि फुटलेले प्रश्न यांची पडताळणी करण्यासाठी या मुलांच्या नोट्सही ताब्यात घेण्यात येत आहेत. परीक्षेनंतर मोटेगावकरचे प्रा.कुलकर्णीला शेकडो फोन नीट २०२६ ची परीक्षा होताच प्रा. पी.व्ही. कुलकर्णी याने प्रा. शिवराज मोटेगावकर याचा मोबाइल नंबर रिजेक्ट लिस्टमध्ये टाकला होता. सूत्रांनी दिलेल्या माहितीनुसार मोटेगावकर हा प्रा.कुलकर्णीला संपर्क साधण्यासाठी वारंवार फोन करत होता. मात्र नंबर रिजेक्ट लिस्टमध्ये असल्याने त्याच्याशी संपर्क होत नव्हता. सीबीआयने कुलकर्णीला ताब्यात घेतले व मोबाइल तपासला तेव्हा मोटेगावकरचे शेकडो फोन येऊन गेल्याचे निदर्शनास आले.
Source link
मोटेगावकर, प्रा.कुलकर्णीने ‘नीट’चा पेपर पालकांना विकला 10 ते 12 लाखांंत:पालकांनी पुढे नातेवाईक, मित्रांना विक्री केला 2 ते 10 लाखांत
