मुलीबरोबर बोलण्याच्या व फोटो काढण्याच्या कारणावरून ५२ वर्षीय महिलेस अश्लील बोलून मनास लज्जा वाटेल असे कृत्य केले. या प्रकरणी तिघांवर सलगर वस्ती पोलिसांत विनयभंगाचा गुन्हा नोंद करण्यात आला. याबाबत पीडित महिलेच्या फिर्यादीवरून जितेश शशिकांत जाधव, सनी जाधव व अनिता जाधव (सर्व रा. सेटलमेंट फ्री कॉलनी क्रमांक- ३) यांच्यावर गुन्हा नोंद करण्यात आला आहे. फिर्यादी महिला घरात असताना संशयित जितेश, सनी आणि अनिता जाधव यांनी घराचा दरवाजा उघडून आत प्रवेश केला. मागील वादातून फिर्यादीच्या मुलीबद्दल अपशब्द वापरले. तिच्यावर फोटो काढल्याचा खोटा आरोप केला आणि अश्लील शिवीगाळ केली. फिर्यादीला महिलेला मारहाण करत लज्जा उत्पन्न होईल असे कृत्य केले आणि जीवे मारण्याची धमकीही दिली. त्यामुळे पीडितेने थेट पोलिस ठाणे गाठून घडलेला सारा प्रकार पोलिसांसमोर कथन केला. पोलिसांनी लगेच फिर्याद नोंदवून घेतली.
Source link
52 वर्षीय महिलेचा विनयभंग:एका महिलेसह तिघांवर गुन्हा
