सावत्र आई आणि मुलाच्या पवित्र नात्याला काळीमा फासणाऱ्या अनैतिक प्रेमसंबंधांचा शेवट गुरुवारी (२८ मे ) अंबाजोगाई येथे झाला. बदनामीच्या भीतीने मुलाने विष प्राशन केले. प्रियकराच्या मृत्यूचा धक्का सहन न झाल्याने सावत्र आईने स्वामी रामानंद तीर्थ रुग्णालयाच्या परिसरातच झाडाला गळफास घेऊन आपली जीवनयात्रा संपवली. केज तालुक्यातील सोनीजवळा येथील साहेबराव पवार (४०) यांचा पहिल्या पत्नीसोबत घटस्फोट झाला होता. त्यानंतर ४ वर्षांपूर्वी त्यांनी अनिता नावाच्या महिलेशी दुसरे लग्न केले. साहेबराव यांचा संसार सुरू असतानाच त्यांच्या पहिल्या पत्नीचा मुलगा अनिल पवार (२१) याचे आपल्या सावत्र आईशी (अनिता) प्रेम जुळले. हे नाते इतके टोकाला गेले की काही दिवसांपूर्वी अनिल आणि अनिता हे दोघे घरातून पळून गेले होते. पत्नी आणि मुलगा दोघेही बेपत्ता झाल्याने साहेबराव यांनी पोलिसांत धाव घेतली होती. पोलिसांनी तांत्रिक तपासाच्या आधारे फोन ट्रॅक करून हैदराबाद गाठले. त्यांनी २१ मे रोजी दोघांना ताब्यात घेतले होते. या वेळी कामाच्या शोधात हैदराबाद येथे गेलो होतो, असे त्यांनी पोलिसांना सांगितले. हे कौटुंबिक प्रकरण असल्याने साहेबराव यांनीही आता माझी कुणाविरोधात तक्रार नाही, असे पोलिसांना लेखी दिले होते.
Source link
मुलगा अन् सावत्र आईचे अनैतिक संबंध; दाेघांनी केली आत्महत्या:दोघांना गत आठवड्यात पोलिसांनी आणले शोधून
