मावळ तालुक्यातील तळेगाव एमआयडीसी परिसरातील नवलाख उंबरे येथे असलेल्या शॅफ्लर इंडिया कंपनीत कार्बन डायऑक्साइड गॅस गळतीची धक्कादायक घटना घडली असून, या दुर्घटनेत दोन कामगारांचा दुर्दैवी मृत्यू झाला आहे. सुरुवातीला या ठिकाणी गॅस सिलेंडरचा स्फोट झाल्याची माहिती समोर आली होती. मात्र प्राथमिक तपासाअंती कंपनीमध्ये स्फोट नव्हे, तर कार्बन डायऑक्साइड गॅस गळती झाल्याचे आता स्पष्ट झाले आहे. मिळालेल्या माहितीनुसार, या दुर्दैवी दुर्घटनेत गणेश उंबरे आणि वैभव थोरात या दोन कामगारांचा जागीच मृत्यू झाला आहे. तसेच, श्रीकृष्ण साहू, गौरीशंकर शर्मा आणि नरसिंह पाटील हे तीन कामगार गंभीर जखमी झाले आहेत. सर्व जखमींना तातडीने नजीकच्या रुग्णालयात दाखल करण्यात आले असून, सध्या त्यांच्यावर वैद्यकीय उपचार सुरू आहेत. या गंभीर घटनेची माहिती मिळताच कंपनी प्रशासन, एमआयडीसी सुरक्षा यंत्रणा आणि स्थानिक पोलिसांनी तत्काळ घटनास्थळी धाव घेतली. सध्या ही गॅस गळती नेमकी कोणत्या कारणामुळे झाली, याचा सविस्तर तपास यंत्रणांकडून सुरू असून परिसरात सुरक्षेच्या दृष्टिकोनातून आवश्यक ती सर्व खबरदारी घेतली जात आहे. मात्र, या धक्कादायक दुर्घटनेमुळे संपूर्ण तळेगाव एमआयडीसी परिसरात मोठी खळबळ उडाली असून कामगार वर्गामध्ये भीतीचे वातावरण पसरले आहे. मनमाड: देवकी हॉस्पिटलमध्ये नवजात बालिकेचा मृत्यू; नातेवाईकांचा डॉक्टरांवर हलगर्जीपणाचा आरोप नाशिक जिल्ह्यातील मनमाड येथील नामांकित देवकी हॉस्पिटलमध्ये प्रसूतीनंतर आयसीयूमध्ये दाखल असलेल्या तीन दिवसांच्या नवजात बालिकेचा दुर्दैवी मृत्यू झाल्याची धक्कादायक घटना समोर आली आहे. पहाटेपर्यंत बाळाची प्रकृती उत्तम असताना सकाळी अचानक मृत्यू झाल्याचे समजल्याने संतप्त नातेवाईकांनी रुग्णालयात गर्दी करत गोंधळ घातला. याप्रकरणी बालिकेचे वडील मोईन तांबोळी यांनी रुग्णालयातील डॉक्टर आणि परिचारिकांवर उपचारात गंभीर हलगर्जीपणा केल्याचा आरोप केला आहे. तसेच, रुग्णालय प्रशासनाने सीसीटीव्ही फुटेज आणि उपचारांची माहिती देण्यास जाणीवपूर्वक विलंब केला असून, प्रकरणाची लपवाछपवी करण्यासाठी वैद्यकीय फाईलमध्ये खाडाखोड केल्याचा गंभीर आरोपही तांबोळी यांनी केल्याने परिसरात तणावाचे वातावरण निर्माण झाले आहे.
Source link
तळेगाव एमआयडीसीत भीषण दुर्घटना:कार्बन डायऑक्साइड गॅस गळतीने दोन कामगारांचा मृत्यू, 3 कामगार गंभीर जखमी
