वाकला जिल्हा परिषद शाळेसमोर विद्यार्थ्यांकडून थाळीनाद आंदोलन:सहा शिक्षकांची पदे भरण्याची मागणी, सोमवारी पायी दिंडी काढण्याचा निर्धार‎

.

हातात थाळ्या आणि चमचे घेऊन विद्यार्थ्यांनी जोरदार घोषणाबाजी केली. आम्हाला शिक्षक द्या, शिक्षणाचा हक्क मिळालाच पाहिजे अशा घोषणांनी परिसर दणाणून गेला. मुसळधार पावसातही विद्यार्थी व पालक आंदोलनस्थळी ठामपणे उभे राहिल्याने गावकऱ्यांचा संताप स्पष्ट दिसून आला. दरम्यान, प्रशासनाने तातडीने रिक्त पदे भरली नाहीत, तर सोमवारी विद्यार्थी, पालक आणि ग्रामस्थ वाकला येथून थेट छत्रपती संभाजीनगर येथील जिल्हा परिषद कार्यालयावर पायी दिंडी काढणार असल्याची घोषणा आंदोलनकर्त्यांनी केली. ७० किलोमीटरचा हा प्रवास करून शिक्षण विभागाचे लक्ष वेधण्याचा निर्धार त्यांनी व्यक्त केला आहे.