केमिकल दुधाच्या आंतरजिल्हा रॅकेटवर ‘एफडीए’चा प्रहार:पाच जिल्ह्यांत छापे, 1.48 कोटींचा मुद्देमाल जप्त; पुणे, अहिल्यानगर, सोलापूर जालन्यात कारवाई

.

अन्न सुरक्षा आयुक्त तुकाराम मुंढे यांच्या आदेशानुसार, पुणे ग्रामीण पोलिसांच्या स्थानिक गुन्हे शाखेच्या सहकार्याने पुणे, अहिल्यानगर, सोलापूर, जालना आणि ठाणे या पाच जिल्ह्यांत एकाच वेळी ही धडक कारवाई करण्यात आली. आधुनिक गुप्तवार्ता आणि सप्लाय चेनच्या अचूक विश्लेषणावर आधारित या महाकारवाईत एकूण १ कोटी ४७ लाख ९३,९४५ रुपयांचा मुद्देमाल जप्त करण्यात आला असून २०,००० लिटर संशयित रासायनिक दूध जागीच नष्ट करण्यात आले आहे. या प्रकरणी २६ आरोपींविरुद्ध भारतीय न्याय संहिता, २०२३ नुसार मंचर पोलिस ठाण्यात गुन्हा दाखल करण्यात आला असून हा केवळ कायद्याचा भंग नसून समाजाविरुद्धचा गंभीर गुन्हा असल्याचे आयुक्त तुकाराम मुंढे यांनी स्पष्ट केले आहे.

कारवाईचा तपशील आणि छाप्यांची आकडेवारी अशी

पाच जिल्ह्यांत या प्रमुख आस्थापनांवर पडले छापे

‘मास्टरमाइंड’ व अटकसत्र

स्किम्ड मिल्क पावडर, व्हे पावडर, डिटर्जंट, शाम्पू, इमल्सिफायर आणि पामतेलाचे भयानक रासायनिक मिश्रण करून हे कृत्रिम दूध बनवले जात होते. धक्कादायक बाब म्हणजे पांढऱ्या दुधाचा हा काळाबाजार थेट ग्रामीण भागातील दूध संकलन आणि चिलिंग सेंटर्सपर्यंत (दूध शीतकरण केंद्र) पोहोचला होता. कायदेशीर सल्लागाराच्या मदतीने कायद्याच्या पळवाटा शोधून हे रॅकेट राजरोसपणे सुरू होते. एफडीएने तपासाअंती दुधाचे ४९ नमुने गोळा केले असून तातडीने ५ अन्न परवाने निलंबित केले आहेत, तर ४ आस्थापनांचे व्यवसाय पूर्णपणे बंद करण्याचे आदेश दिले आहेत. या रॅकेटचा मुख्य सूत्रधार सुशांत बाबनराव हिंगे याला मंचर (पुणे) येथून अटक करण्यात आली असून त्याला बेकायदेशीर सल्ला देणारा संदीप लोढा हादेखील पोलिसांच्या जाळ्यात अडकला आहे. एकूण २६ आरोपींपैकी १३ प्रमुख आरोपींना सध्या अटक करण्यात आली असून त्यांना ५ दिवसांची पोलिस कोठडी सुनावण्यात आली आहे.

इनसाइड स्टोरी

सध्या अटकेत असलेले आरोपी

१३ आरोपी (५ दिवसांची पोलिस कोठडी) यानंतर सर्वांची चौकशी करण्यात येणार असल्याचे सांगण्यात आले आहे.

अटकेतील प्रमुख संशयित

सोनू ऊर्फ चैतन्य घोरपडे (माळशिरस, सोलापूर), प्रमोद घोरपडे (राहुरी, अहिल्यानगर) आणि विविध चिलिंग सेंटर्सचे चालक.