जावयांना सासरकडील नातेवाईकांकडून मारहाण:पुणे शहरातील दोन घटना, एकाचे नाक फ्रॅक्चर; बिबवेवाडी, कोंढवा पोलिस ठाण्यात गुन्हे दाखल

पुणे शहरात सासरकडील नातेवाईकांकडून जावयांना मारहाण करण्याच्या दोन स्वतंत्र घटना समोर आल्या आहेत. या दोन्ही प्रकरणी बिबवेवाडी आणि कोंढवा पोलीस ठाण्यात गुन्हे दाखल करण्यात आले आहेत. बिबवेवाडी परिसरात घडलेल्या पहिल्या घटनेत, पत्नीच्या घरी मोबाईल घेण्यासाठी गेलेल्या एका ३८ वर्षीय जावयाला मारहाण करण्यात आली. याप्रकरणी बिबवेवाडी पोलिसांनी सासू, पत्नी आणि इतर नातेवाईकांविरुद्ध गुन्हा नोंदवला आहे. फिर्यादीनुसार, १२ जुलै रोजी दुपारी अडीच वाजण्याच्या सुमारास तक्रारदार जावई पत्नीच्या माहेरी मोबाईल घेण्यासाठी गेले होते. त्यांनी पत्नीकडे मोबाईल मागितल्यावर त्यांच्यात वाद झाला. यावेळी पत्नी, सासू आणि नातेवाईकांनी त्यांना लाकडी दांडके व स्टंपने मारहाण केली. या प्रकरणी जावयाने बिबवेवाडी पोलीस ठाण्यात फिर्याद दिली असून, हवालदार कर्चे पुढील तपास करत आहेत. कोंढवा परिसरात घडलेल्या दुसऱ्या घटनेत, पत्नी आणि मुलाला भेटण्यासाठी गेलेल्या जावयाला सासरकडील नातेवाईकांनी मारहाण केली. या मारहाणीत मेहुण्याने नाकावर ठोसा मारल्याने जावयाच्या नाकाचे हाड फ्रॅक्चर झाले आहे. तक्रारदार जावई कोंढव्यातील मीठानगर परिसरात पत्नी आणि मुलाला भेटण्यासाठी गेले होते. तेथून घरी परतत असताना मेहुण्याने त्यांना मोबाईलवर संपर्क साधून शिवीगाळ केली. याचा जाब विचारण्यासाठी तक्रारदार पुन्हा तिथे परतले असता, सासरकडील नातेवाईकांनी त्यांना मारहाण केली. या प्रकरणी तिघांविरुद्ध कोंढवा पोलीस ठाण्यात गुन्हा दाखल करण्यात आला असून, पोलीस उपनिरीक्षक एस. खोपडे अधिक तपास करत आहेत. मारहाणीत जावयाचे नाक फ्रॅक्चर पत्नी आणि मुलाला भेटण्यासाठी गेलेल्या जावयाला सासरकडील नातेवाईकांनी मारहाण केल्याची घटना कोंढवा परिसरात घडली. मेहुण्याने नाकावर ठोसा मारल्याने जावयाच्या नाकाचे हाड फ्रॅक्चर झाले. या प्रकरणी तिघांविरुद्ध गुन्हा दाखल करण्यात आला आहे. याबाबत एकाने कोंढवा पोलीस ठाण्यात फिर्याद दिली आहे. तक्रारदार हे कोंढव्यातील मीठानगर परिसरात माहेरी गेलेली पत्नी आणि मुलाला भेटण्यासाठी गेले होते. त्यानंतर तक्रारदार जावई तेथून घरी निघाला त्या वेळी मेहुण्याने तक्रारदाराच्या मोबाइल क्रमांकावर संपर्क साधला. शिवीगाळ केल्यानंतर मेहुण्याला जाब विचारण्यासाठी तक्रारदार पुन्हा तेथे गेला. तेव्हा सासरकडील नातेवाईकांनी त्याला मारहाण केली. पोलीस उपनिरीक्षक एस खोपडे तपास करत आहेत.



Source link